بوري البطاطا و البيض من مطبخ رندة

من طرف RimA الخميس نوفمبر 08, 2012 3:09 pm

السلام عليكم أخواتي امبارح عالعشاء عملت بوري بطاطا مع البيض المسلوق و اللي ولادي بيحبوه كثير و دايما بيطلبوه و هو سهل و ما بياخذ وقت في الاعداد
أول شيء باسلق البطاطا و البيض و أنا سلقت 4 حبات بطاطا مع3 حبات بيض بعدين بجيب حبة فلفل أخضر و شوية بقدونس و بضع عليهم الملح و بدقهم في الهون كما هو مبين في الصورة

بعد هيك بقشر البطاطا المسلوقة و باضعها عالفلفل و البقدونس و بأهرسها بالهون و في نفس الوقت بأضع عليها زيت زيتون ليساعد في عملية الهرس و بعدين بحط عليها البيض المسلوق و بواسطة السكين بأقطعه صغير و بخلطهم مع بعض اخر شيء بصب قليل من زيت الزيتون عالوجه

و بالهناء و الشفاء
دعواتكم أختكم رندة(أم محمد)