العجينة السرية , مع معجناتي

السلام عليكم و رحمة الله و بركاته
بسم الله


و أخيييييييييييرا وصلت العجينة السرية

الوصفة الأصلية لسيدة خليجية اشتهرت في منتديات الطبخ و هي الان تؤلف كتب طبخ (العاقبة ليكم ) , و سبب تأخري في كتابة الموضوع هو اني حاولت ترجمة المكونات الخليجية لمكونات المغرب العربي هههههههه

المكونات الأصلية :
1 ونصف ك فرينة من النوع الرفيع
1 ك فرينة عادية
1 م ك و شوية خميرة خبز
1 م ك و شوية خميرة مرطبات
1 م ص ملح
3 م ك سكر
ربع ك زيت
علبة زبادي
نصف ك لبن





الترجمة المغاربية :
- بالنسبة للفرينة استعملي 2 و نصف ك فرينة اللي موجودة عندك (من غير ما تقلق روحك ) و ييمكن تحتاجي كمية أكبر حسب نوعية الفرينة اللي تستخدميها.

- بالنسبة لعلبة الزبادي تقدري تعوضيها ب : ياغرت طبيعي لكن اعملي حساب اللي علبة الزبادي فيها 180 مل يعني اقري اللي مكتوب على ياغرت الجزائر قداش فيه, يمكن تحتاجي علبتين أو أقل شوية, كما يمكنك تعويض الزبادي بالرايب و هذا أفضل (حسب تجربة العائلة في تونس) و تقدري تصنعيه في البيت : خلي الحليب يبات خارج الثلاجة في مكان دافي تلاقي الرايب ينفصل من فوق و يبقى الماء من تحت.

- بالنسبة ل اللبن إذا موش موجود تقدري تعوضيه بالحليب.
- السكر في الوصفات المالحة ينقص لحد 1 م ك فقط.

السر في هذه الوصفة هو انك لا تستعملي الماء أبدااااااااااااااااااااااا

الطريقة : خلطي المكونات الجافة ثم الزيت ثم الزبادي (أو الرايب أو الياغرت) ثم اللبن (أو الحليب الدافي)--------> تتحصلي على عجينة بيضاااااااااااء و طريييييييييييية. ادهنيها بالزيت حطيها في القصعة و غطيها بكيس بلاستيكي.

خليها تخمر حتى يتضاعف حجمها , طريقتي الخاصة للتخمير نحط الفرن في اقل درجة أول ما يدفى نطفي النار و نحط العجينة في الفرن تخمر.

كي تخرجيها استعمليها مباشرة من غير عجن مرة أخرى

بعد تشكيلها خليها تختمر مرة أخرى

بالنسبة للفرن سخنيه من تحت و فوق على درجة 200 ثم قبل إدخال المعجنات مباشرة طفي اللي من فوق, و اول ما تحسيها علات و خذات الشكل النهائي حمريها من فوق.


في الردود التالية نحطلكم المعجنات إن شاء الله


يتبع