كبة البطاطا و الارز

السلام عليكم
هاذي وصفة كبة البطاطا و الارز درتها وجات هايلة
المقادير
3 حبات بطاطا متوسطة الحجم
كوب ارز مغسول عدة مرات و منقوع في ماء دافيء
ملح و فلفل و كركم و معدنوس او قصبر
الحشو
200 غ لحم مفروم مقلي مع بصل وثوم
وملح وفلفل وكمون
نقطع البطاطا براج ونغمرها بالماء ونديرها تتسلق
بعد 10 دقايق نرمي عليها الروز واحد 6 او7 دقائق
اهم خطوة انهم ما يطيبوش غير حساب ما يبدا يتحل الروز
نصفوهم في كسكاس حتى يقطرو و نفرغوهم في قصعة يبردو
نطحنوهم في الرحى نتاع الخضرة و لا في رحات اللحم اسهل
نتحصل على عجينة ندلكها و نغطيها 10 دقايق
نحطو حدانا كاس ماء بارد باش نشمخو صباعنا و نرفدو
شوي من لعجينة نبسطوه و نحطو فيه الحشو و نغلقو
و نشكلو على شكل بيضة كي نكملو الكمية نحطوها في
الكونجيلاتور 10 دقايق باش ما تتحلش في القلي
نقلوها في زيت غزير و نقدموها مع سلطة