كيكة الليمون و الياغورت تجنن نشالله تجربوها

من طرف زهرة القدس الجمعة أكتوبر 28, 2011 10:43 pm

المقادير بسيطة
6 بيضات
8 ملا عق زيت
6 ملاعق سكر
4 ملاعق حليب
نص علبة ياغورت
كاس ليمون
7 ملاعق فرينة منخلة مع 2 اكياس خميرة كمياوية
قشور ليمون
الطريقة كالتالي
نفصل البياض عن الصفار
نضرب البياض البيض مع رشة ملح حتى تصبح ثلج و نتركه جانبا
نضرب الصفار مع السكر جيدا حتى تصبح كريمة نضيف الزيت بالتدريج و نخفق و كذلك الحليب و نخفق نضيف قشور الليمون و الياغورت و نخفق جيدا ثم نضيف نص كاس ليمون و نحتفض بالباقي.
نضيف الفرينة و نمزج بالملعقة حتى تتجانس جيدا و اخيرا نضع بياض البيض و نحرك بعناية من اسفل الى اعلى حتى لا نكسر البياض المهم نحافظ على خفة الخليط.نفرغه في قالب مدهون بالزبدة.
نسخن الفرن مسبقا على درجة عالية ولما ندخل القالب للفرن ننقص درجة الحرارة الى180° و نتركها تطيب 30 دقيقة او اكثر احيانا حسب جودة الفرن
ولما تصفار وتنتفخ راح تشمو ريحة بنينة بزاف تهبل وكي تطيب خليها تبرد وصبي عليها باقي الليمون ورشي الشكر من فوق
وبصحتكم اذا جربتوها انا فالحقيقة جربتها 2 مرات مرة شربنا بيها قهوة العشية و في الصباح عاودتها للاولاد
جربوها و ردولي كيف جاتكم وسلامي لاخواتي الكريمات