كعك هااااااايل وخفيف خفيف كي الريشة.

من طرف زهرة القدس الجمعة أكتوبر 28, 2011 10:40 pm

السلام عليكم اليوم جبتلكم كعك هاااااااايل بصع بلا صور اسمحولي الهاتف نتاعي خسرلي و ماسبتش باه نصور

المقادير
4 حبات بيض
كاس سكر
كاس زيت
كاس حليب
كاس ماء الزهر
كاس عصير البرتقال مع zest
2 مغرف كبار خميرة الخبز .مغرف صغيرة فاني .2 مغرف كبار حليب مجفف اي(لحضة )
فرينة حسب الخليط

التحضير.
في صحن كبير نحط كل المقادير نخلطهم مع بعض مليح باليد ثم نبدا نضيف الفرينة بالشوي حتى تتحصلي على عجينة طرية دريها في صحن مدهون و خليها تخمر مليح مليح ثم خسريلها الخمور و صنعيها كورات احشيهم بالشوكولاطة ورجعيهم يخمرو ثم ادهنيهم بصفار بيضة مع شوية حليب ذرذري عليهم شويا سكر حرش من فوق و دخليهم يطيبو
ان شاء الله يعجبكم الكعك و تجربوه
دعوة واحدة تكفيني ربي يسرلي امري .