حلوى الشاش خفيفة و بنينة

من طرف زهرة القدس الجمعة أكتوبر 28, 2011 8:45 pm

السلام عليكم و رحمة الله و بركاته
حلوى الشاش هي حلوى خفيفة جدا و بنينة و ممكن تحتفظي بيها مدة طويلة رح تزيد طراوة و بنة، لتحضيرها ناخذ
500 غ زبدة +كاس و نصف سكر + 2 صفار و 3 بيضات كاملة + قرصة ملح نحكوهم مليح و نضيف 3 علب نشاء + 2 خميرة +فانيلا و نشيح بالفرينة
نعمل بالمحقن -أو اللمبوط كما يسمى في بعض المناطق- صبيعات صغيرة و نلفها على نفسها و ندخلها للفرن.
بعد ما تطيب نلصق كل 2 بالمعجون و للتزيين نرمد الحواف في معجون مخفف بماء زهر ثم بيمو مرحي خشين
هام: الانتباه لأن الحلوى تطيب بسرعة ، و لازم تبقى بيضاء
يستحسن عمل الحبات صغيرة لأن الحجم سيزداد مع الخبز
بالصحة و العافية