لحم مطبوخ في أكياس الفرن هاااااااااايل

عيدكم مبارك، اليوم جبتلكم وصفة لحم مطبوخ في أكياس الفرن درتوا للغذاء والله جات وحد الماكلة تطير العقل، ما نطولش عليكم هاكم الوصفة: حطي طراف اللحم انتاعك في التتبيلة المتكونة من حبة بصل كبيرة مقطعة مربعات +ثوم مرحي+ملعقة صغيرة طماطم مصبرة+ملح+كركم+فلفل أسود+زنجبيل+معدنوس+دبشة+2ملاعق عصير الليمون+6ملاعق زيت+شوية هريسة+نصف كأس ماء خلي اللحم يقعد في الخلطة مدة ساعتين حتى يتشرب مليح وبعد حطيه في أكياس الشواء واربطي من فوق مليح بالخيط واثقبيها من فوق 6 ثقوب و ادخليها مباشرة للفرن باه تطيب راهي تحكم من ساعة إلى ساعة ونصف . بعد إخراجها حطيها فوق الروز البسمتي المغلي مع الملح والكركم والزبدة طبعا الوصفة تشبه لواحد الطبق اكليتو في الأردن واسمو المنسف كان رايع.