كيش البطاطا من مطبخي ممم

من طرف RimA الأحد نوفمبر 11, 2012 1:06 pm

ليوم جبتلكم طبق لذييييذ واقتصادي ويصلح كمقبلات درتو في رمضان وعاودتو هاذ المرة وصورتو

نوجدو عجينة بغيزي ب 400غ فرينة +200غ سمن مدينة نرملوها بيدينا ونبل بماء باااااااارد وملح طبعا ونخليها ترتاح فالثلاجة

نقشرو البطاطا و نسكرفجوها خشينة ونقلليوها مع ملعقة زيت في مقلات غير لاصقة وللي ماعندهاش تقليها في زيت غزيير

نحط في وعاء 3 بيضات وكوب حليب +ملح+بهار+ملعقة فرينة +رشة خميرة والبطاطا

نحل العجينة انا دارتلي 2بلاطو متوسطين ونثقبها ونحط البطاطا ونرش جبن

ونطيبها فالفور حتى نشوف الحواف حمارو وابتاعدو عن البلاطو
نشالله تجربوها فعلا رائعة وممكن نضيف عليها تون او لحم

واش رايكم