الخبز البلغاري .....

خدمت هاذ الخبز وخرج تحفة وللاسف ما صورتش المراحل صورت غير النتيجة ماتزعفوش من اوخيتكم اما مقاديره فهي : عبرت ببول الشربة ديري اثنين فرينة و ملعقتين خميرة فورية وملعقة كبيرة سكر وملعقة كبيرة زبدة طرية وملعقة كبيرة عصير قارص وملعقة صغيرة ملح و2حبات بيض خلطيهم و لميها بالحليب دافئ كوريها واتركيها تخمر بعدما تخمر مليح اقسميها على اربع وكل ربع اقسميه على اربع كويرات افتحي كل كويرة وحدها و تكون رقيقة ادهنيها بالزبدة افتحي الكويرة الثانية ديريها فوق الاولى ادهني بالزبدة ثم الثالثة و الرابعة هذه ما تدهنيش حطي العقدة اللي حبيتي وروليهم قطعيهم مثلثات ادهني القالب ستفيهم بحيث يكون راس المثلث لداخل غطيهم وخليهم يخمرو ادهنيهم بصفار البيض ورشي عليهم السانوج و ديريهم في الفرن ملاحظة : درت في العقدة دجاج طايب ومفتت وفرماج وزيتون مقطع وحشاوش