طاجين الخوخ او المخوخ

من طرف RimA السبت نوفمبر 10, 2012 12:34 am

المقادير:

اطراف دجاج
200غ لحم مرحي
1حبة بصل
سنينات ثوم
500غ بطاطا
حفنة حميص منقوع في الماء ليلة من قبل
علبة فطر (إختياري)
1ملعقة كبيرة مارغرين
1ملعقة زيت
توابل(فلفل اكحل،ملح ،كركم،كاري،قلييييل من القرفة،جوزة الطيب)
بياض بيض فرينة
معدنوس
ورقة غار،زعيترة
زيت للقلي

طريقة التحضير:

في طنجرة حمسي الدجاج مع البصل والملح والزيت ومارغرين مليح ثم ضيفي الثوم ثم التوابل والمعدنوس والزعيترة والرند حمسي شويا ومرقي شويا وضيفي الحميصة بعدين لما تغلى ضيفي الماء و الفطر, تركي الكل يطهى ويخثر المرق

اطهي البطاطا بالبخار،إسحقيها بالشوكة تم ضيفي الملح وجوزة الطيب والكركم شكلي كريات بحجم حبة الخوخ واتركيها على جنب

في وعاء ضعي اللحم المرحي والملح وشويا معدنوس وفلفل اكحل شكلي كريات ثم اقليها

احشي كل كرية من البطاطا بكرية من اللحم المرحي ،اغطسيها في بياض البيض ثم مرريها في الفرينة ثم اقليها حتى تكسب اللون الذهبي
عند التقديم ضعي كريات البطاطا في صحن ثم اسقيها بالمرق وزينيها بالمعدنوس