جلبان بالقرنون المحشى

من طرف RimA الجمعة نوفمبر 09, 2012 3:31 pm

بسم الله الرحمان الرحيم
ان شاء الله يعجبكم الطبق وكيفية الشرح جلبان بالقرنون

المقادير
الدجاج على حساب م تقدري
جلبان
القرنون
حبة بصل تكون متوسطة
حبة صغيرة بطاطا
قرفة ابزار ملح
زيت
الماء باش تمرقى
التحضير

تحكمى الجلبان وتنقيه من بعد تجيبى الطنجرة وتحطي فيها البصلة مرابيا ولا مقطعة رقيق وتحطى الابزار الملح فلفل اسود عود صغير القرفة وقليل الزيت وقطع اللحم الدجاج والبطاطا وتحطيها على نار هادية وتقليها مليح وتمرقى حتى تشوفى اللحم تغطى بالماء من بعد تغلقى عليها وتخلى الدجاج يطيب لمدة 20د او ربع ساعة
نجيبو القرنون نقيوه مليح و مبعد نفوتو عليةه نص حبة قارص باش مايكحالش
من بعد نحو الطنجرة من النار ونخرجو الدجاج والبطاطا وديك المرقة نرمى فيها الجلبان والقرنون ونرجعهاتطيب على النار
الدجاج والبطاطا لى نحيناها نطحنوها بالفرشيطة نمرسوها مليح ونزيدوها معدنوس

ونواسها بالفرشيطة مليح من يطيب القرنون والجلبان نحكمو القرنون ونحطو فوقه الخليط تاع الدجاج والبطاطا والمعدنوس

وشهية طيبة