خبزة محشية سهلة و اقتصادية

من طرف RimA الجمعة نوفمبر 09, 2012 2:45 pm

اخواتي حبيباتي جبتلكم هذي الوصفة وراتهالي وحدة حبيبتي يكثر خيرها كي عجبتني قلت نوريها لوخياتي

المقادير مع طريقة التحضير:

3 كيسان فرينة ، ملعقة كبيرة خميرة ، باكي خمارة، ملعقة كبيرة سكر ،ملعقة صغيرة ملح او حسب الذوق، كاس اتاي زيت،علبة ياؤورت اي ذوق انا درت دانون فرولة ماء دافي

الحشو:

زيتون، كاشير، حشاوش،فرماج مقطعين هذي فكرة وانت احشيها باي حاجة متوفرة عندك او اولادك يحبوها

خلطي المكونات الجافة مع بعض

ديري الزيت

ثم الياؤورت

ولمي بشوية ماء اعجنيها وحد 5دقايق برك خليها ترتاح ربع ساعة

اقسميها على زوج

افتحيها رقيقة ادهنيها بالبيض

ديري فوقها الحشاوش و الزيتون والكاشير والفرماج

اطويها على زوج كيما في الصورة

وحاولي تكسليها شوية بيدك باش ما تجيش معجنة ادهنيها بالبيض وذريها بالسانوج و الجلجلان او كيما حبيتي

ديريها مباشرة تطيَب في فور مسخنتيه من قبل وديري في الاسَفل اناء فيه ماء على خاطر البخار يخلي الخبز نتاعك يجي طري

وبالصحة على قلوبكن