ارز بالخضر

السلام عليكم ورحمة الله وبركاته

اليوم طيبنا روز بالخضر للغداء

المقادير
ارز دجاج بصل وثوم مرحين كسبر وكروية كمون لخضر ملح زيت ماء نمرقوا بيه كمشة حمص طايب وكمشة جلبانة طايبة وكمشة خضر جزر بطاطا واي خضرة تحبيها تقصيم مربعات صغار وتفوريهم

طريقة التحضير

تغلي الارز في ماء وملح وقطرة زيت وكي يطيب تعاودي تفوريه مع الخضر اللي فورتيهم من قبل وتحطيه بجيه
في وعاء الطبخ تحطي اللحم والبصل والثوم والزيت تقليهم وتزيدي الملح والدواوات اوالروايح اللي سميتهم كي يتقلاو مليح لوحيلهم الجلبانة والحمص باش يزيدوا يطيبوا كثر من بعد مرقي وخليه حتان يطيب اللحم ويخثار المرق

بعدها تجيبي الروز وتحطيلوا المرق بالشوي حتى يشرب مليح المرق وهدي الصور وبلييييييييييييييز ماتبخلوش عليا بردودكم














تحياتي