حكاية الشيرنغ الفضائي (الحلقة الثانية)

منقول للأهمية وللأمانة من منتدى يهتم بمواضيع الشيرنغ



السلام عليكم ورحمة الله وبركاته .
بمجهود شخصي نابع من خبرة مكتسبة لفترة طويلة في عالم التشفير أقدم لكم هذا الشرح المبسط حول عمل الشيرنج الفضائي محاولاً التبسيط قدر الإمكان حتى يكون موضوعي شاملاً للجميع المبتدىء الذي يريد أخذ فكرة عامة والمجتهد الساعي للإحتراف في عالم أشبه ما يكون بصراع دائم بين نطم الحماية ونظم كسر الحماية .

على بركة الله نبدأ
طبعاً لا تنسوا كاسة النسكافية ياللي اتفقنا عليها !!
تحدثنا في الحلقة الماضية عن المفهوم الأساسي لعمل الإنترنت الفضائي لذلك من المهم أن تقوم عزيزي القارىء بمراجعة الدرس الأول قبل القراءة !

الشيرنج الفضائي ياسادة هو نمط متطور عن الشيرنج العادي (السلكي) وهو توظيف إبداعي من قبل فرق الهكر التي ارتأت بموضوع أن الإنترنت الفضائي يؤمن دفق دائم أكثر من الخطوط السلكية . والتي تتعرض لضغط نتيجة كثرة المشتركين من ناحية والضغط على الشبكة من ناحية أخرى .
بإختصار مستلزمات الشيرنج العادي هي كالتالي :
1- جهاز كومبيوتر (سيرفر) مزود على الأقل ب 4 معالجات ورامات 8 جيغا وشي 10 منافذ Com إضافية عن طريق Switch موسع !
2- خط DSL ( دارة مؤجرة حصراً) لأنو الثبات أهم من السرعة ! ومن ناحية السرعة حتى يكون محترم لازم يكون سرعته 4 ميغا بت بالثانية
3- 10 قارئات كروت منفذ USB - للسرعة - أفضل من منفذ COM
4- إشتراكات شرعية بالنسبة للسيرفرات المحترمة / وكروت مقرصنة لسيفرات هات أيدك ولحقني (كروت كوكو وموكو وأخواته)
5- برنامج إحترافي يدير هذه المنظمونة - وإشتراك في موقع يعطيك IP ثابت إن لم يتوفر .
وهنا أتوجه بالشكر للسيد جلال حمامي على شرحه المفضل
لموقع www.dyndns.org المهم جداً لهكذا أمور .

طريقة العمل :
صاحب السيرفر بتكون القنوات كلها فاتحة عندو ؟! ليش ؟ لأنو عندو إشتراكات نظامية على كرت الدش . يعني هوة عم بيشوف نظامي .
لكن بالبرنامج ياللي منزلو بيحول كومبيوتره لمخدم بيقوم بمشاركة الشيفرات مع كل شخص بيحط عنوانو الثابت على الشبكة الإلكترونية
وهي المعلومات بتكون متل بيانات سيرفرات ال New command ياللي منحطها ب Wincsc Plug طبعاً في عدة أنواع من بروتوكولات الشيرنج مثل النيوكوماند والسي سي كام الجي بوكس .
هلق تأمين سرعة الخط بالنسبة للمخدم والمستقبل أمر ضروري . ليش ؟! لأنو أنتة ماعم تشاركو (الشيفرات) لباقة وحدة بس ؟! وإنما لعدة باقات بنفس الوقت . وهاد الشي بيشكل ضغط عليك وعليه . ولازم ماننسى أنو هوة مو بس عندو أنتة ؟! عندو كتير ناس وفي الحقيقة المواصفات ياللي حطيتها فوق بتكون أكبر من هيك بكتير . لكن أنا منشان تبقى أقرب إلى الذهن تعمدت أخليها (منطقية) , خصوصي وقت اللي منستخدم مصطلح سيرفر ملكي .

طيب ليش كل هل السرعة مطلوبة مدام كود الأرديتو ياللي هوة أغلب السيرفرات العربية بتركز على تشغيله (طبعاً كلنا منعرف ليش) ما بتغير كل 24 ساعة مرة ؟! والدليل على كلامي أنو قبل ما يطلع كرت الأبراكدابرا - وقت اللي كان ينزل كود متل هاد
I 0604 08 AF02BD36CC1421A4BC47AD25BC56AD32
كنا نحطه داخل الباتش وتشتغل الأرتي والشوتايم 100% ونكون منعرف أيمت بدها توقف لذلك الهكر يعطونا كود NEXT قبل ما يوقف
وهاد الكود مارح تتجاوز مساحته 16 بت ؟! فليش DSL ضروري كتير عندي عندو ؟!

ممتاز .. سؤالك هاد بيدل على إحترافية في فهم الأمور ووضعها في مكانها الصحيح .. سماع مني شوي ...
أنا مارح أفتح موضوع جانبي وأشرحلك (ماهية عمل نظام الأرديتو) مثالاً !! لأنو مو موضوعنا . لكن أنا رح أكتفي ببعض الكلمات ياللي مهم أنك تعرفها أنتة وغيرك .

شوف يا حبيبي .. كل أنظمة التشفير الحديثة بتعتمد على مبدأ أشبه بجواب جحا وقت اللي سألوه وين أدنو ؟! ليش طبعاً معروفة لتعقيد الحماية بس أنا بقلك شغلة كلون بعتمدوا على مبدأ واحد وجذري وهوة موضح بالصورة التالية .
هي صورة للفي بلغ على كرت الدش ولقناة الجزيرة الرياضية وهية مكسورة على نظام SIDSA رح تشوف في خانة تحت RAW ECM Stream >> طبعاً ECM إختصار لكلمة elementary code master
وتعني الرمز الأولي للكود السيد (أو الكود الخامي) .. هاد يا شباب هوة الكود الفعلي ياللي عم يفتح وبتلاحظوا جنبو في مؤقت ساعة بتعرفوا ليش ؟؟ لأنو هاد الكود الفعلي بتغير كل ثانية بمعدل دفق معروف ... يعني ببسطها أكتر
الكرت فيو عدة ملفات معادلة (بتغيرون الشركة أيمت ما بدها عن طريق أوامر تبث مع PID القناة )
هدول بيجوا لعنا بيلاقوا الكرت .. بيكون ناتج ال ECM طالع من تفاعل الوقت مع الأوامر الموجه (مثلاً تنشيط المعادلة PMK033) مع المعادلات الخامية المخزنة في الكرت PMK فبيكون الناتج هوة ECM ياللي نحنة على الرسيفرات ما منشوفوا وإنما بتحول من الكامة إلى القناة ليقوم بفتحها !
أما الكود ياللي كنا نحطه في داخل خانة أرديتو داخل الباتش تبع الريسيفر هاد أسمه PMK يعني Primary Master Key وهوة المعادلة بحد ذاتها .. يعني هيك
I 0604 08 AF02BD36CC1421A4BC47AD25BC56AD32
طبعاً هاد الكود بتحسن تتحكم فيه الشركة من ناحية تعليمة أوامر للقناة أنو تستنى نواتج ECM من المعادلة 0563 بدل من المعادلة 0126 ؟!! ووقت اللي بيصير هل الشي بيوقفوا عنا !
طبعاً عدد خانات ال ECM وسرعة تبديلها وتعقيدها بيرجع لنظام التشفير فمتل مالكون شايفين هاد لنظام SIDSA بينما للي عندون كرت دش حطوا على قناة من قنوات الشوتايم رح تلاقوا فرق على نظام الأرديتو من ناحية عدد الأرقام + سرعة الدفق !
المهم صاحب السيرفر وعن طريق برنامجه بيطالع هل ECM وبيعملك مشاركة معه Share وأنتة طبعاً بيصلك بدون تقطيش ليش لأنو مطالع وخالص بيجي لعندك سيوي على القناة بينما عندو عم بيلف لفة جحا وقت اللي دور على أدنو ! هههههههه

طريقة عمل الشيرنج الفضائي :

نفس المبدأ السابق . لكن مع إختلافات (جوهرية) .. شلون .. طيب أنا رح قلك .. بس أول شي بدي نبه على أمرين

1- هلق في إعتقاد خاطىء سائد عند البعض أنو ممكن كترة المشاهدين تأثر على جودة الخدمة وتعمل (( ضغط )) لذلك بيقطش وقت المبارايات الهامة ليش بقة خيو ؟؟! قال لأنو الكل بيكون عبشوف SPRT4؟!!
طبعاً هاد الحكي غلط X غلط . وهلق رح قلكون ليش .

2-في إعتقاد سائد عند البعض بيلخص عمل الشيرنج الفضائي بأنو بعد ما يخلص صاحب السيرفر أموره ما بيقوم بتحويل كومبيوتره لسيرفر (مخدم) وإنما بيقوم بإرسل هل المعلومات (الشيفرات) إلى مزود خدمة إنترنت فضائي عن طريق عملية upload مباشرة مع القمر الصناعي ؟!!
أو لعندون بعدين هنن ببثوها للقمر والقمر ببث هل المعلومات لكل الناس على رقعة مساحة تغطيته وطبعاً هل المعلومات مارح يفهمها إلا الدنكل فبيقوم بفتح القناة ؟؟!

* هلق الشاطر فيكون بيرد وبيقلي ليش هل الإعتقاد خاطىء ؟! بل ومستحيل ؟! فكر فيو قبل ما تكمل الموضوع وجرب على سبيل التسلية أنك ترد علي وتخبرني ليش مستحيل قبل ما تكمل قراءة الموضوع ؟!! وأنا رح شوف تعليقاتكون وأشوف مين منكون كان مركز معي ورح حط الإجابة بعد 3 أيام من هلق ؟؟! بس المهم أنتة جرب مالك خسران شي بس دير بالك الغش ممنوع .. وشايفكون ها ياللي بدو يرد لا يطلع لتحت .. !!!! هههههههه
بس في شغلة .. رجاءً لا تفهوا أسلوبي على أنو أنا أستاذ بمدرسة ؟!! بالعكس أنتو كلكون أساتذتي لأنو أنا خبرتي بأمور الرسيفرات مو زيادة وأنتو ماشاء الله عليكون ملوك بهل الأمور .. وأنا هل الفزورة على سبيل المرح لا أكثر ولا أقل .. لذلك وجب التنبيه

يتبـــــــع مع الحلـــــــقة الثالثـــــة و الأخيرة