حكاية الشيرنغ الفضائي الحلقة الأولى

منقول للأهمية وللأمانة من منتدى يهتم بمواضيع الشيرنغ



بسم الله الرحمن الرحيم
السلام عليكم ورحمة الله وبركاته .
بمجهود شخصي نابع من خبرة مكتسبة لفترة طويلة في عالم التشفير أقدم لكم هذا الشرح المبسط حول عمل الشيرنج الفضائي محاولاً التبسيط قدر الإمكان حتى يكون موضوعي شاملاً للجميع المبتدىء الذي يريد أخذ فكرة عامة والمجتهد الساعي للإحتراف في عالم أشبه ما يكون بصراع دائم بين نطم الحماية ونظم كسر الحماية .

على بركة الله نبدأ
يعتمد الشيرنج الفضائي في عمله على مزودات خدمة الإنترنت الفضائي data channals التي تظهر لنا على برنامج progdvb عندما نقوم بتوليف كامل للقمر ويضع لها أيقونة فلوبي بجانبها هي ليست قنوات وإنما مزودات خدمة إنترنت وهي توفر سرعة عالية لكل مستخدميها عن طريق بث دفق متواصل بسرعة قد تصل عند بعضهم حتى 4.0 mb\sec ولكن مشكلة هذا الإرسال ان يكون فقط للتنزيل أما للرفع فلا يوجد ؟! يعني إذا بدك تسحب معلومات أي معلومات ماشي الحال , بس إذا بدك تسجل الدخول إلى كلوب فور سات ما بتحسن ؟! ليش لأنو كيف فيك ترسل المعلومات عن طريق الأبرة ؟؟ أبرة الستالايت بس بتستقبل ما بترسل ؟!
طيب والحل ؟! حلو كتير هلق خلونا نرجع شوي لورا ؟ كيف بدون يرسلولي ملف معين أنا بدي ياه إذا كان عندي بس إستقبال ؟
اللي طرح هاد السؤال بيكون ذكي ومركز معي !
والجواب هوة كالتالي
وقت اللي منشترك بمزود خدمة إنترنت فضائي (عند الجمعية مثلاً) بيعطونا إشتراك dialup مفتوح منشان شو ؟!
هاد ياسادة ياكرام منشان ترسل معلومات بسيطة متل معلومات تسجيل الدخول لإيميل , إشتراك بمنتدى , تحويل رسالة حلوة للأصدقاء . يعني ال upload دائماً وعند 99% من المستخدمين بيكون أقل بكتير من الدونلود . إلا بقى إذا كنت من جماعة اللي بيحبوا رفع الفيديوهات على موقع اليوتوب وغيره ؟! فهاد مشكلة وبدك بدل الخط العادي خط dsl فوق 512 ليمشي حالك
طيب وعن طريق طلب الملفات ؟ شلون عمال يرسلوا ألي الملفات اللي أنا بدي ياها ؟؟؟
حلو كتير ^_^
أنتة عم تطلب الشي اللي بدك ياه عن طريق خط الديال اب كرابط بيروح للسيرفر اللي عندون فبيقوم بتحويله فضائياً للقمر الصناعي اللي بيبثه لكل المستخدمين في العالم ياللي بيصل ألون تغطية المحطة الموجودة على القمر .
وهاد المبدأ مع كل المشتركين في الخدمة . طيب كيف عم يصلني بس هاد الملف لألي بهل السرعة الرهيبة ؟! طيب مافي غيري عم يطلب ملفات ؟! ليش ماعم ينزلوا عندي ؟! مدام عم يتم إرسال كافة الملفات على كامل تغطية القمر ؟!
حلو كتير . أنتة بيكون منزل على جهازك برنامج بيعطوك ياه الشركة ليقوم بإنتقاء الملف المطلوب واللي هوة بيعرفوا لأنك حطيتوا على المستعرض ؟ فما بينزلك إلا الملف اللي نحط رابطو على المستعرض اللي عم تستخدمه (internet explorer) أما بقية الملفات واللي هية لغير مستخدمين ولها خصوصية معينة فما بتصلك ! وللتبسيط شوفوا المعادلة التالية
طلب ملف > إرسال عشوائي على كامل مناطق التغطية > فلتر عم يستنا رابط معين فقط > الملف عندك خلال رمشة عين
طبعاً الفلتر بيكون مزود بمنظومة فك تشفير الملفات لأنو مو معقول يبعتوا الملفات ياللي عم يطلبوها المشتركين بالهوا هيك بدون تشفير ؟؟؟!!
وهاد الكلام بيفسر ألنا مبدأ عمل برامج التحميل العشوائي متل skynet و skygrabber وغيرها
مبد أ عملها أنو بتوقف الصحن على قناة إنترنت معينة هوة كاسر شيفرة تشفير هل الملفات كلها على قمر w3
وبتساوي عملية (( صيد )) للملفات الطايرة بالهوا وبتنزل منها ياللي بدك ياه ؟!
طبعاً البرامج اتطورت بالفترة الأخيرة وصار فيك تحدد سعة الملفات المرسلة وإمتدادها ؟! متل الشباب الطيبة
بحددوا للبرنامج أنو بدنا بس تنزل الملفات ياللي بتنتهي بلاقة datt + mpeg + wmv منشان يشوفوا الأفلام الثقافية ياللي عم يطلبها المستخدمين ؟!! (وما أكثرها مع الأسف)
طبعاً عملية الصيد هي ما بتأثر على المستخدم الشرعي ؟؟!!
ليش لأنو الشركة بتحط إعتبارات لسوء الأحوال الجوية أو عدم ضبط المستقبل بصورة صحيحة أو ... أو ... أو
لذلك بتبقى عم ترسل الملف لغاية 3 أو 4 ساعات من أول طلبه منشان يتأكدوا أنو وصل 100% للمشترك

منشان ما عقد الشرح و ماطول الموضوع أكتر من هيك
اليوم منكون قدمنا ألكون الأرضية ياللي رح يرتكز عليها لب الموضوع في الحلقة التانية وهوة
كيفية عمل سيرفر شيرنج فضائي (دنكل) + البرامج اللازمة

* ملاحظة : جميع الشرح الموجود في الأعلى مجهود شخصي مرتكز على خبرة ذاتية ومتابعة مستمرة لأقوى المواقع العربية والعالمية المهتمة بعالم الشيفرات والتشفير , لذلك إن أردت النقل الرجاء كتابة المصدر والحلقة القادمة ستكون أقوى ومفيدة أكثر وحصرية على كل المنتديات العربية , لكن لا تستعجلوا علي فيها لأنوا كل ما اتأخرت الطبخة على نار هادية كلما طلعت أطيب
كمان لازم تحضروا فنجان نسكافيه قبل ما تقروه ؟!

بأمان الله
[/