فطير البرمة

السلام عليكم

اليوم اردت مشاركتكم بطبق تقليدي ربما يعرفه البعض باسم اخر او يعملونه بطريقة مختلفة

الطبق التقليدي اسمه عندنا(فطير البرمة)او (فطير القسول )
المقادير
لتحضير المرق نضع حبة بصل كبيرة مسكرفجة +ملح +كسبر مرحي وثوم مرحي +فلفل احمر مرحي(حنا نديرو الفلفل الاحمر الحار لانو هاذو الاكلات يحبو يكونو حارين باش يجيو ملاح..ولي مايحبش الحار يدير فلفل احمر مرحي حلو +طماطم مصبرة +حبة طماطم مقشرة ومقطعة +لحم او دجاج (حسب الرغبة )+قرون فلفل احمر حار يابس تحطوهم مع المقادير والمرق ونخليوها حتان الطيب المرقة مليح واللحم او الدجاج لي فيها

العجينة 500غ سميد رطب +ملح ونعجنوها بالماء كيما نعجنو المسمن تعرفوه
ثم نكوره كريات صغار ونبداو نحلو في الكريات بالزيت حتان تصبح رقيقة ثم نقطعوها بواسطة سكين الى قطع صغيرة

" alt="" />
ثم نرفدو بالقطعة ونحطوها في المرقة اللي لازم تكون طابت مليح مكوناتها

" alt="" />
لاننا الان في المرحلة الاخيرة وهو وضع القطع في المرق

ولما نكملو كامل الكمية لي عندنا نخليو المرقة تغلي مايقارب ربع ساعة او عشرين دقبقة حتى تطيب مليح المكونات

ولما يطيب نسقيوه في صحن التقديم وقطعي فوقو شوية حشيش
" alt="" />
واذا حبيتو فتو فوقو الدجاج

[مركز تحميل الصور
وبصحتكم ان شاء الله يعجبكم