طحال محشي بالصور

ليوم تشهيت الطحال و جبتو عمرتو فالدار
نبداو بالمقادير
نحتاجو طحال
1/2 كيلو كفتة
1/4 كبدة
و الملح -فلفل اسود-كمون-فلفلة حمرا-فلفلة حارة- قزبور يابس مطحون و راس الحنوت و شوية سكينجبير و المعدنوس مقطع
الصور غدي تشرح احسن مني
نقطعو الكبدة و نديروها تتقلى مع شوية ملح وفلفل اسود







و نفتحو الطيحان من الداخل






نجيبو الكبدة من بعد ما تقلات نقطعوها طريفات رقاق بزاف






ونزيدوها على الكفتة و نديرو جميع التوابل و المعدنوس مقطع





و نخلطو مليح





و نديروها فكيس بلاستيكي و نتقبوه ونبداو نعمرو الطحال






نخيطوه و نديروه فالكوكوط طيب على عافية نار هادئة لمدة ساعة و نصف مع ربع كاس الماء و شوية الزيت و توابل منين يطيب ندخلوه الفرن يتحمر و شهية طيبة




اتمنى تنال اعجابكم
منقووووول لافادتكم