خبيزات محشيين من مطبخي تفضلو وصحة رمضانكم

من طرف RimA السبت نوفمبر 10, 2012 12:08 am

السلام عليكم

ليوم جبتلكم خبيزات محشيين فقلت تشاركوني فيهم خدمتهم لفطور ليوم

تفضلو الصور:

+++++++++++

++++++++++++++

++++

الوصفة :
عجينة عشر دقائق مع حشو درت خضار مفورة مع purè وطون وفورماج وزيتون طماطم رابي وغليتهم تشربو لما نتاعهم واكيد مدوزنين بالتوابل وملح
وحشيتهم درت دوائر وسبطتهم حسيت ولويت عليهم وغلقت بالبياض البيض وهنت ملفوق بالصفر

عجينة العشر دقائق صراحة بنتها رووعة طريقتها لميعرفهاش

المجموعة اولى :كوبين فرينة منخولة +2كيسان ماء دافيء +2 مغارف كبار حليب خبرة +ملعقة كبيرة خميرة وقرصة ملح ولتحب تزيد قرصة خميرة حلوة
تخلط الكل وتخليهم يخمرو 10 الى 20 دقيقة حسب الجو تعرفيهم بلي خمرو من فقعات

المجموعة التانية :3كيسان فرينة منخولة كدلك او اكثر حسب نوع الفرينة+ نصف كاس زيت

خلطيهم وعجني حتى تملاس واستعمليهما بدون متخليها تخمر راها تخمر فطياب

راني نعبر ب كاس نتاع ما طوال هدوك وتجيني كمية لاباس بيها موالفة تخدملي عشاء ل 5 افراد وكل ياكل

دعواتكم لي بالفرج القريب اخواتي