معكرونة من مطبخي

من طرف RimA الجمعة نوفمبر 09, 2012 2:22 pm

السلام عليكم ورحمة الله وبركاته
درت هذا الطبق وخرجلي بنين بزاف وحمرلي وجهي قدام اسرتي والضيف
قد يكون البعض يديرو بطريقة مختلفة
المقرونة مسلوقة في ماء مملح وشوية زيت تصفيها وتدهنيه بشوية زبدة وهي سخونة
كبد الدجاج مقطع +شوية زيت +شوية حبة الكحلة+شوية كمون+سنينات ثو م (انا درت 4)+قصبر مفروماو مقطع ارقيق تطبخ على نار هادئة جدا مع التحريك وماتخليهش تنشف بزاف
في لبلا اوالمول انتاعك فرغي المقرونة ثم فرغي فوقها الكبدة على كامل الوجه ثم فرغي فوقها لصوص بيشامل
ملاحظة لصوص بيشامل ماتكونش ثقيلة باش تشربها المعكرونة وتدخليها الى فرن مسخن قبلا حتى تتحمر شوية
وشهية طيبة
انتظر ردودكم واراءكم