شوفلور بطريقة أم لميس

من طرف RimA الجمعة نوفمبر 09, 2012 12:48 pm

بسم الله الرحمن الرحيم
البارح درت شوفلور للعشا و جات في بالي نصور و نوريلكم أنا كيفاش نديرو زوجي يحبو بزاف منطولش عليكم أيا شوفو معايا
وجدي لاصوص : بصل+ثوم+توابل+ملح+زيت+طماطم مصبرة+رند خليها طيب حتى تعقاد
هات الشوفلور نقيه و قطعيه و غليه فالماء و الملح أنا نملح شوية الماء من بعد نقوللكم علاه نملحو
كيطيب صفيه و امعسية بالشوكة مليح ثم كسري عليه البيضمضرب مع التوابل فلفل أسود + كمون خلطي مليح ثم ضفيلو 2 ملاعق فرينة و خلطيه (الماء نملحو لخطرش البيض و الفرينة إنقصو الملح هي تقدري تذوقي بصح أنا هكذا نحب ندير) و في الأخير سخني الزيت و بملعقتين إرفدي كمية و كوريها و ارميها تتقلى حتى يحمارو
التقديم حطي أصابع الشوفلور في صحن و لاصوص بجهة و كل واحد إسقي كيما يحب و بالصحة والهنا
نخليكم مع الصور

هنا درت معاه سلاطة باذنجال