(•ิ_•ิ) مكرونة بالبشاميل بنكهه مميزة►╚

من طرف RimA الجمعة نوفمبر 09, 2012 11:59 am

اول شي نسلق المكرونه زي العاده بمويه وملح وشويه زيت

بعدين نقلي بصله مفرومه بزيت ونضيف لها اللحم المفروم و فلفل رومي مقطع مربعات صغار ونرش عليهم ملح وفلفل اسود وشوي بهارات مشكله وبهار الكبسه وزنجبيل مطحون وبعدين ما تستوي اللحمه نحط عليهم مكعب ماجي و صلصه طماطم تقريبا ملعتين كبار مذوبة بربع كاس مويه
ونتركهم يتسبكو عشر دقايق نطفي النار

بعدين نبدء بتحضير البشاميل الي هو سر النكهه

نحط في قدر ملعتين سمن او زبدة كبار ونحط فوقهم 4 ملاعق دقيق ونحركهم بسرعه ونضيف عليهم بالتدريج لتر من الحليب السائل بس بشوووويش بالتدريج ونحرك مع اضافه الحليب عشان ما يتكتل الدقيق وبعدين نحط ملح وشوي فلفل اسود وشي بهارات كبسه و نضيف عليهم علبه قشطة تكون بحرراة الغرفه او كاسة من كريمة الخفق ونحركهم كويس الى ان يبدء المزيج يغلي ويثقل نرفعه بس مو مررررة ونطفي النار بس للاسف نسيت اصوره لما سويته

بعدين ندهن صحن بايركس بالزبدة ونرش عليه دقيق او بقسماط ونجيب صحن عميق ونحط فيه نص كميه المكرونه ونضيف عليهم نص كميه البشااميل ونحركهم كويس ونصبهم بالبايركس و بعدين نحط فوقهم اللحم المفروم ونرش فوقها شوي جبن موزاريلا

وبعدين نحط النص الباقي من المكرونه ونصب فوقها النص الباقي من البشاميل

وندخلها الفرن المحمى مسبقا تقريبا نص ساعه الى ان تتحمر الصينيه من الاسفل وبعدين نطلعها ونحط عللى الوجه الجبن المزاريلا المبشور ورشه من الاوريجانو وندخلها تتحمر من الاعلى بسسس انتبهي لا تتركيها وتنسينها بس يصير لونها ذهبي طلعيها على طووووول وهذا شكلها النهاااائي
^

وهذي صورة ثانيه اقرررب للتعذيب

ووانتهينااااااااا ..... اتمنى ان تنال اعجابكم وتجربوهااا لانها من جد روووووعه

واسال الله ان يبلغنا رمضان ويعييننا على صيامه وقيامه وكل عام وانتم بصحه وسلالالالامة ........

أتمـنى يعجبكم الموضـــــــوع

(●̮̮̃•̃)ೋ҉ೋ (●̮̮̃•̃)

فـي إنتــظار آرائكم وتقييـمكم