معقودة بجبنة كيري بالصور من مطبخي

من طرف RimA الخميس نوفمبر 08, 2012 12:44 am

بنات المنتدى الغالي السلام عليكم

نشا الله تكونو لاباس

البارح درت معقودة بجبنة كيري

ناجحة 100بال100

فقط تبعي المراحل

بالنسبة للجبن تقدري ما ديريش

و لا ديري جبن عادي

كيما حبيتي

المهم................. نخليك مع المكونات

خذي البطاطا غسليها و قشريها و قطعيها مكعبات

و فوريها مع شوية ملح

كي تفور طحنيها

خليها شوية تبرد و ضيفيلها:

زبدة..حبة بيض..فلفل اسود..زعفران..ثوم..و ملح حسب الحاجة

خلطي المكونات مليح مليح بمغرفة تاع لوح حتى تتحصلي على وحد العجينة هايلة طرية و بنيييينة

قسميها الى حبات متوسطة اثقبيها و عمريها مغرفة تاع جبنة كيري

و غلقيها و شكليها كما فالصورة

كي تكملي سخني الزيت

احكمي بالحبة غطسيها البيض من بعد في الخبز المطحون و قليها على نار هادية

اتفضلي بالصحة و الراحة