خبز محشي بالجبن من مطبخي ****

السلام عليكم ورحمة الله وبركاته
جمعة مباركة على الكل
ان شاء الله تكونوا في احسن الاحوال
هذا خبز محشي بالفرماج لذيذ وشكله يشهي ويحبوه الاطفال
اترككم مع المقادير والطريقة وان شاء الله تجربوه وينال اعجابكم

في عجانة حطي 2كاس سميد+2كاس فرينة+ملح وسينوج وحبة حلاوة + كاس تاي زيت + ملعقتين سكر + ملعقتين حليب غبرة + ملعقتين خميرة خبز طلعيهافي حليب دافي وشوية سكر واضيفيها اعجني المكونات بماء دافء ولازم تكون العجينة متماسكة





غطيها وخليها تخمر حوالي 20دقيقة ثم اضيفي80غ مرغرين لابال بحرارة الغرفة على شكل قطع صغيرة +بيضة كاملة + بياض بيضتين بحرارة الغرفة حذاري تضيفيهم مباشرة من الثلاجة يفسدوا مفعول الخميرة وخلي الصفاران لدهن الوجه

اعجنيها واذا جاتك مرخوووفة بزااف اضيفي شوية فرينة عينك ميزانك المهم تقدري تشكليها كويرات



اقسميها على 8 قطع ومن كل قطعة خذي جزء صغير قد حبة الجوز



افتحي كل كرية واحشيها بحية فرماج



واغلقي جيدا



واقلبيها فوق الصينية



اكملي باقي الكريات



ادهنيهم بالصفاران + شوية حليب سائل + شوية سكر قطعي بالسكين حسب الشكل



احشي الكويرات الصغيرة وضعيهم فوق الكويرات الكبيرة وادهنيهم ورشي الجلجلان وخليهم يخمروا وطيبيهم في الفرن
قبل النضج النهائي اخرجيهم ادهنيهم بالعسل ورجعيهم للفرن وشعلي من فوق يحماروا










شهية طيبة
سلااااااا م