بحـث
مواضيع مماثلة
المتواجدون الآن ؟
ككل هناك 462 عُضو متصل حالياً :: 0 عضو مُسجل, 0 عُضو مُختفي و 462 زائر لا أحد
أكبر عدد للأعضاء المتواجدين في هذا المنتدى في نفس الوقت كان 624 بتاريخ الخميس نوفمبر 07, 2024 4:07 pm
التسجيل السريع
الحلوى التي صنعتها لخطبة اختي
Oued Taga - وادي الطاقة :: منتدى الأسرة و المجتمع :: منتديات عالم حواء :: وصفات طبخ حواء :: قسم الحلويات
صفحة 1 من اصل 1
الحلوى التي صنعتها لخطبة اختي
من طرف ام اسحاق الجمعة أكتوبر 28, 2011 6:31 pm
قدمت مع القهوة
القلوب الحمراء
كالي عندك لوز او كاوكاو انا خدتهم بالوز
300غ لوز مرحي رقيق+بيستاش مرحي خشين+250غ سكر عادي +100غ زبدة+فاني نصف كاس حليب
على نار هادية سخني الحليب مع السكر حتى يذوببعيدا عن النار ديري الفاني الزبدة البيستاشو اللوز رجعيها للنار الهادئة واستمري في الخلط حتى تنفصل العجينة عن الاناء
ابسطيها و خليها تبرد
حليها فوق طاولة مرشوشة بالسكر الناعمسمك 1.5سم قطعيها كما تحبي دوائر او مربعات انا درت قلوبة
ثم عجينة اللوز الجاهزة التي تباع جاهزةزيديلها المايزينة و الملون الابيض حليها ر2ملم بواسطة حلال مزوق خاص بالحلوى
قطعي بالجرارة 2.5سم عرض لفيه حول القلوب شكلي فواكه صغيرة بعجينة اللوز ولونيها كما تحبي فراز قارص او كرموس اجاص انا درت حب الملوك لاني حسيت اختي مثل الملكة
اطلي الوجه بطبقة من الجلي يباع بكل الالوان و الاذواق استعملت الاحمر بذوق حب الملوك و زيني بحبتين حب الملووك و الاغصان تاعها
وهده قدمناها مع الشاي
الكورني و المشكلة درت نفس المقادير
500غ فرينة
150غ سمن او مارغارين ذايبة قرصة ملح تلميها بماء الزهر + ماء عادي +مغرف صغيرة ملون ابيض
واتركيها ترتاح بعد ما قسمتيها كرات
ديريها في ساشي وخليها ترتاح
بالنسبة للحشو
رطل لوز منقي ومرحي +250 سكر واذا كاوكاو نقصي من السكر
مغرف صغيرة فاني قشور القارص نحب نكثر منو
ولميها بالبيض تكون شادة روحها في الكورني شكليها على شكل كورنيات كما في الشكل وحلي العجينةرقيقة رقم 6
وحطي الحشو ودوريها عليها لسقي بشوية ماء وشكليها كما القرن وانقشيها خليها ترتاح ساعة او اكثر وطيبيها وعسليها
تكوني وجدتي الورود بالبات داموند و زينيها كما في الصورة
نفس الشي المشكلة اطبعي الحشو و العجينة بنفس الطابع
ضعي العجينة ثم الحشو ثم العجينة
وخططيها بخدمي او اي اداة من فوق كما الصورة سابقا كنت ننقشها بدلتلها الشكل وانت و اختيارك تحبي مكسرات تحبي العجينة جزء منها لونيه بالكاكاو اطبعي بنفس الشكل تقرصيها في الوسط
وتدهني الحبة بالبيض و تحطيها
خليها تاني اطول تنشف و طيبيها وعسليها وزينييها بالحلوة الفضية الصغيرة جدا
الحشو المشكلة زيديلو شوية جوز وقشور اللوز مرحيين و شوية كاكاو الضوق تاع الكرامال او نسكافيه هذي في حالة ما اذا كان كاوكاو واذا لوز خليه بقشورو وزيديلو شوية جوز
الدزيريات
عجينتها عجينة البقلاوة عادي انا اندير 4 كيلات فرينة بكيلة سمن ذايب و بارد و قرصة ملح و فاني و حبة بيض و نلمها بماء الزهر
الحشو 3 كيلات كاكاو مرحي و فاني كيلة مش معمرة سكر عادي ارحيهم مع بعض و البيض حتى تتلم
وطبعا تحلي العجينة رقيقة في لي مول و العقدة تزينيها واديري حبة لوز و طيبي و عسلي
العرايش استعملت طريقة &اسيل& عرايش بالياؤورت اول مرة نجربها خرجت هشيشة و بنينة
الطلية تاع لعرايش
اخفقي بياض بيضة مع قرصة ملح كالثلج اضيفي بواطة سكر الناعم نحب ندير المرجان حتى تتحصل عليه ثقيل زيدلو الفاني وخليط عصير الليمون وماء الزهر تقريبا كاس عينك هي ميزانك و شوية زيت او زبدة
باش يولي يبرق و هشيش
اطلي الحبات ضعيها فوق شباك
خليهم ينشفو وبواسطة بانسو صغير او اسفنجة ضعي على كل السطح الجزيئات اللاماعة الرطبة ماشي الخشن
وزيني بورود مصنوعة بعجينة اللوز الجاهزة تكوني حضرتيهم مسبقا وبواسطة كيس السكر الناعم اثقبيه ثقب صغير جدا عمريه بالطلية وزيني بخطوط كما في الصورة ولك حرية التزيين
- منتدى وادي الطاقة 2011 ©-
ام اسحاق- عضو دهبي
- عدد المساهمات : 407
نقاط : 25086
السٌّمعَة : 0
تاريخ التسجيل : 28/10/2011
Oued Taga - وادي الطاقة :: منتدى الأسرة و المجتمع :: منتديات عالم حواء :: وصفات طبخ حواء :: قسم الحلويات
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى