هما يخصهم الاسلام برك واحنا تخصنا الحضارة

من طرف **djoudjou** الإثنين مايو 09, 2011 2:12 am

جاني شريكي (صاحبي باللهجة العاصمية) و هو بين ضاحك وعابس... قوتلو واش كاين؟ ...عطاني الجريدة وقالي اضرب طلة هنا وقولي واش رايك حبيبنا..

نظرت الى الصفحة اللتي اشار اليها وقرات...حمل طابع بريدي مخصص لتمثال الحرية في نيويورك خطاء صورة نسخة عن تمثال موضوع في فندق في لاس فيغاس وليس صورة التمثال الشهير.. والطابع موضوع في التداول مند ديسمبر الماضي و قد اكتشقت صحيفة لاس فيغاس ريفيو الخطاء. فالصورة التي وضعت على الطابع هي نسخة عن التمثال تزين فندق نيويورك -نيويورك مند 1997 في لاس فيغاس

واوضح ان هيئة البريد لن تسحب الطابع الا انها تاسفت للخطا موضحة انها ستسهر على عدم تكرار مثل هدا الخطا في المستقبل....

قلت لشريكي وينو المشكل..ضحك وقالي زعما نتا انتيليكتيال ...طبق الجريدة وقالي الناس غلطو برك فالتامبر و تاسفو واعتدروا و حنا تلقاهم غلطو في تاريخك و نورمال... يغلطوك في حلمك اللي حاب تحققو .... ويغلطو الناس في حقك وهاكاك جامي وابدا ما يفكروش باش يتاسفو...هنا فهمت واش حاب يقولي شريكي..فعلا هناك في امريكا و اروبا يعتدرون من اقل شيء يصدر منهم... لدلك صدق من قال...هما يخصهم الاسلام برك واحنا تخصنا الحضارة