بحـث
مواضيع مماثلة
المتواجدون الآن ؟
ككل هناك 294 عُضو متصل حالياً :: 0 عضو مُسجل, 0 عُضو مُختفي و 294 زائر :: 3 عناكب الفهرسة في محركات البحثلا أحد
أكبر عدد للأعضاء المتواجدين في هذا المنتدى في نفس الوقت كان 624 بتاريخ الخميس نوفمبر 07, 2024 4:07 pm
التسجيل السريع
كعكة عيد ميلاد ابي... ضروري تدخلو....
Oued Taga - وادي الطاقة :: منتدى الأسرة و المجتمع :: منتديات عالم حواء :: وصفات طبخ حواء :: قسم الحلويات
صفحة 1 من اصل 1
كعكة عيد ميلاد ابي... ضروري تدخلو....
من طرف امولة الجمعة أكتوبر 28, 2011 12:20 pm
السلام عليكم
اليوم راح تدخلو مطبخ سمسون pour la premiére fois
احم أحم و بالتفاصيل المملة
وصفة ساهلة درتها في عيد ميلاد والدي
الععكة ماشي جينواز كيما اعتدنا في الباتيسري
هادي وصفة mousse au chocolat
سمعتها صديقة ليا في البهجة FM
وانا درت منها 2 طبقات و زينتها بـــــــكريم شنتيي و...و...
تفضلو سيداتي اوانسي سادتي
مع المقادير الموضحة في الصور:
8 بيضات
4 كيسان سكر
3كيسان حليب
2 كيسان زيت
8 مغارف بودرة كاكاو
4 خميرة نوارة
500غ فرينة
extrait تاع البندق
للتزيين شوية تاع شنتيي بودرة أنا شريت قيس 80دج .... مكسرات ... شكلاطة مبشورة... كيما حبيتي...
هادو المقادير تاع 2 mousse au chocolat
راني مدوبليا المقادير لي حبت ديرها وحدها تقسم كلش على 2
درك نجوزو سيداتي للطريقة تفضلوا مشكورين :
أو حاجة نشعلو الفور ديالنا يسخن
نقسمو بطبيعة الحال المقلدير تاعنا على 2 لأنو رتح نديرة طبقتين
نخلطو كلش بارد الحليب، السكر ، الزيت، وحطوه غير يدفا باش يمتزج
و نضيفو الكاكاو و نحركو
غير يرفد الغلية نحيوه من النار و نحركوه حتى يبرد
نحيو منو كاس من بعد نستعملوه باش نشمخو لاموس
نضيفو ملعقة كبيرة لكستري تاع البندق للنكهة
و الآن نبداو نضيفو البيض (4) واحدة بواحدة و نضربو مليييييح هاد الشي لي يخليها تطلع مليح
و درك نضيفو الفرينة (250غ) بعد ما ننخلوها باش يدخلها الهواء
ثم الخميرة (2)
و نتحصلو على:
ندهمو الصينية مليييييح بالزبدة
و نحطو ها داخل الفرن مدة 30د و عينك ميزانك حتى تتنفخ لكن ما تفتحيش عليها باش ما تحبطش طفي الفرن و خليها
كي تبرد تدريجيا اقلبيها:
و تتحصلي على:
من بعد تسقيها بهاداك الكاس لي نحيتيه من قبل:
قلنا أنو العملية نطبقوها مرتين لنتحصل على:
و الآن سيدتي كيما راكي تشاهدي ا وقت التزيين:
نحظر كريم شنتيي تاعي نضربها مع حليب بارد:
نطلي الطبقة الاولى و نضع فوقها الثانية
و نبدا نزين
انا ما عنديش هاديك la poche patissière ألور خدمتها بساشي حليب تقبتو و حطيت la douille
وضعت الشكلاطة مبشورة على الجوانب
رشة كاكاو و شوييييييييييييية بيستاش و مبروش الليمون
و كتبت لكن غلطت (bon anniversaire ) ماعليش خطأ من دفاع سعدان ...حليش و بوقرة كانو غايبين
و أشعلت الشمعة في الوسط
و تفضلو شهية طيبة
خفيفة و سهلة :
واش رايكم
- منتدى وادي الطاقة 2011 ©-
امولة- عضو دهبي
- عدد المساهمات : 1565
نقاط : 28582
السٌّمعَة : 1
تاريخ التسجيل : 26/10/2011
مواضيع مماثلةOued Taga - وادي الطاقة :: منتدى الأسرة و المجتمع :: منتديات عالم حواء :: وصفات طبخ حواء :: قسم الحلويات
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى