أطبخ لأعضاء المنتدى

وين راهم لحراير ؟؟؟؟؟؟؟؟؟؟؟؟؟

راح نبدى انا اوراق..... في الحقيقة هو طبق معروف عند الشاوية ( الزيراوي) مي يختلف شوية في التحضير على حساب المنطقة

كاين نوعين من الزيراوي ...زيراوي الشخشوخة ( و المقصود بيها النعمة) و زيراوي الرخساس
انا شخصيا نفضل تاع الرخساس
كيفية التحظير:
طيبي 2 قرصات رخساس و يكونو ماشي مبسسين بزاف
هرسيهم في المهراس
خرجيهم في الغربال تاع الزيراوي (هو غربال خاص ذو ثقوب معينة و كبيرة نوعا ما)
حطي عليهم الغرس بعد ما تكوني دفيتيه على نار هادية مع شوية زبدة اخدميه مع الكسرة المرحية مليح
عاودي خرجيه في نفس الغربال ( باه مايبقاش الغرس محكوم)
حطي الخليط تاعك في وعاء معدني و ضيفيلو الزبدة و العسل على حساب الرغبة
و حركيه على نار هادية حتي يتشرب العسل
قدميه في طبق و ديري فوقو كاوكاو مرحي ( طبعا هاذي اظافة... تاع بكري ماكانوش يديروا الكاوكاو)
و شهية طيبة .....نهديه لكل اعضاء المنتدى
مي لي راه يدير الريجيم مايكثرش

شكرا بنت الاوراس
حنا ثاني هاكا انخدمو بنفس الطريقة

يا بنات حضرونا طبق أرفيس التونسي وأفضله ( عبداوي )

العفو سارة نشالله يكون عجبك.... دوركا دالتك تحضري الرفيس التونسي للعبداوي........ رانا نستناو

أووووووووووووه والله جوعتيني يا بنت الاوراس امنيتي نذوق هذا الطبق صح خاطر باين عليه بنين

أوراق الخريف كتب:أووووووووووووه والله جوعتيني يا بنت الاوراس امنيتي نذوق هذا الطبق صح خاطر باين عليه بنين

الف شكر اوراق و بربي نشالله تذوقيه من يدي....

ربي يحفظك والله نتمنى

مكونات العجينة:
•3 كوب سميد ناعم إلى متوسط
•1 كوب زبدة ذائبة مصفاة
•1 ملعقة صغيرة ملح (أكثر أو أقل) حسب نوع الكوب
•ماء زهر لجمع الخليط
كونات حشوة التمر:
•300 غرام تمر مطحون (أو عجينة التمر)
•3 ملعقة كبيرة سمسم محمص
•½ ملعقة صغيرة قرفة مطحونة
•رشة قرنفل مطحون
•كمية زيت لعجن التمر
•كمية ماء الزهر
طريقة التحضير
طريقة تحضير حشوة التمر :
1.ينظف التمر ويطحنإاذا لم يكن مطحون مسبقاً ثم يضاف السمسم المحمص، القرفة، رشة القرنفل، وجوزة الطيب ويعجن بالإستعانة بماء الزهر والزيت
2.يشكل جيداً ثم يوضع ما بين قطعتين بلاستيك لكي يشكل على نفس شكل عجينة البراج (على شكل دائري أو مربع) وذلك ليسهل وضعه على العجينة عند تشكيلها
طريقة العجينة :
1.يخلط السميد مع الملح والزبدة ويخلط برعق جيداً (يبسس) ثم تصع حفرة ونسكب فيها الماء وماء الزهر ونبدأ بجمع المزيج دون العجن إلى أن تتشرب كمية السميد كلها الماء وماء الزهر دون أن تتعجن بل تبقى هشة مثل (عجينة المقروط)
2.تجمع ثم تقسم إلى قسمين وتفرد باليد أو يستعان بالشوبك دون الضغط كثيراً حتى الحصول على دائرة أو مربع عندها
3.تضاف قطعة العجينة الثانية ويضغط عليها برفق حتى تغطى الحشوة
4.بواسطة سكين حاد تقطع إلى مربعات أو أشكال أخرى حسب الذوق
5.توضع على مقلاه خاصة مثل مقلاة الكريب أو مقلاة ثقيلة من الحديد ويشوى عليها البراج على الجهتين دون وضع أى مادة دهنية 6.يشوى البراج على الجهتين وعلى نار خفيفة كي لا يحترق لإنه حساس وهش
7.تقدم هذه الحلويات مع شاى أو قهوة
النصائح:
1.- ينصح بإستعمال الزبدة أو خلطها بكمية قليلة من السمن النباتي ذات جودة
إقتراحات:
1.- لتسهيل وضع الطبقة الثانية من العجينة ينصح بتشكيلها ما بين قطعتين من البلاستيك ثم وضعها فوق طبقة التمر الموضوعة فوق الطبقة الأولى من العجين

والله جات في وقتا راني جيعانه صح

تاكلي بالصحة و الهناء

الله يسلمك

الى العبداوي... اليك الرفيس التونسي نتمنى يعجبك....

المكونات...

دقيق متوسط. عجين التمر (الغرس). زبدة

يتم وضع الدقيق في مقلاة جافة اي دون اضافة اي شيء على نار متوسطة.. نحرك الدقيق حتى يصبح لونه ذهبيا يميل للحمرة (ينضج) .. يتم وضع الدقيق في اناء واسع مع اضافة عجين التمر و الزبدة (حسب الرغبة) .. و نقوم بعجن المكونات حتى تتماسك مع بعض .. تشكيل العجينة على شكل قرص و تقطيعه الى معينات... ثم الى التقديم...

نتمنى تحجبكم... بالصحة عليكم...