فرفش معنا من خلال هذه النكت

قالك واد تعرف على وحده اسمها زهرة قالها وش اسمك قالتو اسمي موجود في كل حديقه قاللها اسد

*****

خطره واحد مشحاح اي بخيل جاءه ابنه عندو قالو : بابا البارح حلمت بلي عطيتني 5 دج
ايا قالو الاب :ردهالي راني كنت امزح معك

*****

قالك وحده قالت لزوجها قولي كلمة حلوه قالها بسبوسه

*****

قالك مرة واحد ديما تسقسيه خطيبتو: واش تغديت? يقولها: لوبيا .ديما هكا واحد النهار قالوا صاحبوا: اكذب شوي قولها تغديت شواء . كليت كفتة . تغديت بيتزا .....
ايا هذاك خدمتلوا قال و الله عندو الحق . الغدوى هذيك سقساتوا خطيبتوا: واش تغديت ? قالها :بــيــتــزا قاللتلوا :واش مليحة (بنينة)? قالها : و الله كليت 2 مغارف شبعت

*****

قالك مرة وحد الراجل متزوج زوج نسا وحدة من ولاية ......ووحدة من ولاية...... وهوما ماشيين طريق طاحتلو السيارة اونبان. نزلت الاولى وقالتلو شوف بالاك لابوجي بالاك
الموتور بلاك...بالاك..بالاك...قالت الثانية كيفاه هذي تفهم خيرمني زعما تفهم في كلش راحت للراجل وقالتو ..يا راجل شوف شوف بالاك نسيت البرمي علابيها
طاحة اومبان

*****

قالكم كاين واحد عندو الغنم بزاف بزاف بصح ما يصليش واحد المره جاه الامام
تاع المنطقة نتاعو وقالوا انت لوكان تزيد تصلي الغنم نتاعك يوليو الضعف
مالا هذاك السيد داه الطمع و عاد يصلي باه يزيد العدد نتاع الغنم وكل مرة يصلي يموتلوا
4ولا5والسيد صابر يقول ضرك يزيدو ضرك يزيدو حتى بقى ليه كبش واحد
فات عليه والكبش يقول بع بع بع بع بع بع بع ما حبش يسكت
دار عندو السيد وقالوا :بلع علي فمك تزيد تهدر نصلي عليك 2 ركعات نجيبك ميت

*****

قالك مرة سائق الحافلة دار اغنية التيتانيك
ايا بداو الركاب يطيشوا رواحهم بانتلهم راح يغرق الbus

*****

قالك مرة واحد حلم فالمنام الحمار نتاعوا يهدر معاه قالوا روح تحت الشجرة تلقلى 20 مليون
اديهم و اعطي للقاضي 5 ملايين بشرط كي تلقاني ميت ادفني فالمقبرة نتاع العباد
فاق السيد من الحلم و ما صدقش راح تحت الشجرة لقى 20 مليون دينار زاد رجع للدار لقى الحمار ميت
ايا بدا ينفذ وصية الحمار و دفنوا فالمقبرة نتاع العباد سكان المدينة رفضوا هاذ الشىء و شكاو بيه للقاضي ناداه القاضي و قالوا واش بيك تدفن الحمار نتاعك مع الموتى نتاعنا حكالوا السيد الحلم وقالوا راني لقيت 20 مليون والحمار راه وصاني وقالي مد 5 ملاين للقاضي
القاضي ما صدقش و قالوا واش قال المرحوم؟

*****

قالك وحد الخطرة وحد السيد اشرى كبش العيد قبل عيد الاضحى بشهرين امالا كانت العائلة كلها تدلل فيه وتلعب معاه حتى انه ياكل معهم و ينام معهم في المنزل و عشية
عيد الاضحى راح الكبش جبد روحو على العايلة و بدى يبكي جات العايلة سالتو واشبيك تبكي قالهم " قعدنا بلا عيد الناس اكل شراو الكباش غير احنا "

*****

واحد دخل للملعب وهاز في يدو مغرف علاه؟..............................حاب يحرك اللعب

*****

قالك زوج دخلوا للمطعم واحد غني و الخر فقير الغني طلب اكلة باللحم والفقير طلب صحن من الفول ايا الفقير بدا ياكل بسرعة شاف فيه الغني و قالوا قول بسم الله باش
ما يكلش معاك الشيطان دار عندوا الفقير وقالوا واش بيك الشيطان يخلي اللحم و يجي ياكل الفول

*****

ان شاء الله نتال هدي النكت اعجابكم واللي عندو نكته يقدر يكتبهالنا