خبز الدار من مطبخي بالصور

هادي طريقة صنعو

بسم الله الرحمن الرحيم

هاذا خبز الدار من عندي يجي مثل المسكوتة الطراوة و الهشاشة

اردت ان اشارككن به


المكونات :

انا استعملت دقيق سباك جربت عدة انواع لكن لم تكون النتيجة مثل دقيق سباك
روووووووووووووووعة كانت النتيجة انا استعملت كيس 10 كغ لأن كيس 25 وجدت انو ليس نفس النوع
الدقيق عينك ميزانك أنا استعملت تقريبا 2 كغ و نصف
الزيت استعملت كأس كبيرة و خبز الدار كلما كثرتي الزيت كلما يجيك ناشف و يابس
و اذا استعملتي مرغرين كلما استعملتي زيادة كلما جاك معجن في الوسط
نصف كلغ فرينة
ملعقتين كبيرتين خميرة فورية و انا استعملت التي توضع مباشرة فالعجينة و ليس الخشنة التي تذاب فالماء
ملعقة صغيرة سكر
جلجلانية و سينوج القليل فقط فالعجينة و الباقي للتزيين
3 بيضات نفصل صفارين للتزيين و الباقي نستعمله فالعجينة
ملح حسب الذوق أنا نعمل الخبز و الكسرة مسوسة قليلا حتى تكون خفيفة لأنو الملح يقتل الخميرة و لا تنتفخ العجينة
2 خميرة الحلوى " بيكن باودر " لأننا استعملنا الفرينة
ماء زهر

التحضير :
نقوم بغربلة الدقيق و الفرينة و البيكن باودر مع بعض

في حاشية القصعة نقوم بخلط السكر و الخميرة و قليل من الدقيق و تذويبهم مع قليل من الماء الدافئ
نسكب الزيت فوق الدقيق و كأس ماء زهر تقريبا و نخلط الكل جيدا مع الحك بين الكفين حتى تتبسس العجينة
نذوب الملح و نخلطه مع قليل من العجينة نرش السينوج و الجلجلانة نخلط الكل و نبلل بالماء الدافئ بالتدريج
جيدا ثم لما تبدء تتكون لدينا عجينة نضيف بياض البيضتين و البيضة الكاملة و نجمع العجينة
العجينة تلصق باليد شيء عادي لأنو فيها بروتين البيض و غلوتين الدقيق
نجمعها ثم نغطيها بقطعة قماش و نتركها ترتاح و تتشرب السوائل
نغسل ايدينا و بعد ان تنشف نوجدو ذرعينا للعجن و هجوووووووووووووووووووووووووووووووووم
نعجن و نعاود و من الأفضل تقسيم العجين الى قسمين حتى يعجن جيدا
بعد ان نسمع فرقعة فالعجين نضيف الماء بالتدريج و نبدئ بسقي العجينة و في نفس الوقت نعجن حتى نجففها و تصبح متجانسة
في الأخير نتحصل على عجينة لا هي طرية جدا كي لا يفسد شكل خبز الدار و لا هي يابسة حتى نتحصل على وسط معجن

نقسمها إلى اربعة و خبز الدار كلما كان العجين فيه قليلا كلما كان خفيفا و هشا

أنا قمت بتقسيمهم إلى اربعة 2 كبار و 2 متوسطين ، عملت كرات ، وضعتهم في الصينية مدهونة بالزيت و دهنت وجه الخبز بقليل من المارغرين الطرية حتى لا تتشكل قشرة يابسة من فوق
غطيتهم بورق نايلون ، و لما طلعوا قمت بمدهم ، قرصتهم يعني و الحاشية قمت بتسويتها حتى لا تكون ريقة و الوسط منتفخ
ندهنها بصفار البيض و نرشها بالسينوج و الجلجلانية نتركها تخمر في مكان دافئ ، أذا بقالك صفار البيض قبل ما يطلعو تماما عاودي دهنيهم بفرشات من السيليكون بلطف باه ما ينزلكش
لما يتضاعف حجمها و تشوفي انها كبارت و عراضت ، نقوم بطهيها في فرن ساخن باه ما تيبسش
حنا عندنا الخبز ما نعملوهش خشن كثيرا ، ما نحبوش اللبابة لي فالوسط تكون كثيرة و خصوصا زوجي يحبو طالع لكن من دون كثرة اللبابة في وسطو 2 و نص سنتمتر كأقصى حد
و الصور فوق

و شهيتكم طيبة