خبز السينوج (خبز الشاورما )

من طرف RimA الأحد نوفمبر 11, 2012 11:02 am

السلام عليكم ورحمة الله وبركاته

انا من الناس الي تحب الشاورما بزاااااااااااااااااااااف وكي خدمتها في الدار مع الخبز العادي مجاتش خفيفة كيما نهار جربتها مع خبز تاعها والله هايلة خسارة معنديش الصور تاعها بصح ان شاء الله اول ما نطيبها نصورها ونجيبلكم تشوفوها اما اليوم جبتلكم غير الخبز تاعها ان شاء الله يعجبكم

المقــــــــــــادير :
كيلو فـــــــــــرينة
2 حبات بيض
فنجان تاي زيت
نص فنجان تاي خميرة تع الخبز
فنجان تاي سكر
ملعقة كبيرة ملح
2 ملاعق كبار حليب بودرة
نلموها بالماء الدافي حتى تتلم
وزن الكرية من 80 الى100 غ

الديكور :
بيض ندهنوا بيه من فوق ونزيدولوا ملعقة كبيرة ماء وتحبي تذوبي النسكافي وتزيديها + السينوج
التحضير :

نخلطوا البيض مليح ونزيدولوا الزيت والسكر وحليب البودرة نخلطوا مليـــــــــــــــــــــــح وفي نفس الوقت في اناء اخر نحطوا الخميرة ونزيدولها شوي سكر وشوي فرينة وماء دافي نخلوها ترتاح

نرجعوا للخليط لول ونزيدوا الفرينة ونخلطوا ونزيدوا الماء بالشوي والخميرة كي تعود قريب تتلم
نزيدوها مندلكوش نلموا برك مليح ومن بعد نحطوها في اناء ونغطوها بفوطة مبللة ونخلوها في مكان دافي تخمر مرتين المرة نفشوها ونخلوها تزيد تخمر

[

بعد ما خمرت مرتين نشكلوها

[

ونحطوها في بلاطوا وندهنوهم بالبيض ونرشوا فوقها بالسينوج والفرن تاعنا يكون سخون 220 حوالي ربع ساعة بصح هادي مش حاجة ثابتة خاطر كل وحدة والفور تاعها

[

]

ان شاء الله تكون عجبتكم وتجربوها نستنى تعليقاتكم وتشجيعكم خاطر راني جديدة في كتابة المواضيع