خبز الطاجين

مساء الخير حبيباتي البارح مع لعشيا حضرت المطلوع تاع ناس الغرب
نديروه في طاجين حنا نسموه كيما هاك و المطلوع
كل واحد كيفاش يديروا نبداو
بسم الله نحتاجوا ل:
500غ سميد متوسط + 250غ فرينة +ملح +م ص سكر
م ك زيت + م ك خميرة الخبز و ماء دافىء و نعجنوها مليح

نغطوها و نخليوها تخمر

من بعد ما تخمر نعاودو نعجنوها و نعملوا كويرات و نرمدوهم في السميد


و على طاولة عليها قطعة قماش و ندردروا السميد و نحطوا الكويرات ينزلو
شوي باش يسهل عليك تgريصهم

من بعد نgرصوهم ملييييح ماشي رقيقة بزاف على حساب الخميرة

ونغطوهم بمنشفه و نخلوهم يخمروا و منين يخمروا نحطوا طاجين على النار
ونخليوه يسخن

نحطوا الخبز و منين يولي مثل هي

نقلبوها حتى طيب و راح يجيك خفيييييف


بالصحة و الراحة