شخشوخة لملاوي مع تقطيعة جديدة.

من طرف RimA الجمعة نوفمبر 09, 2012 2:19 pm

الشخشوخة .........اخواتي الحبيبات من الاكلات التقليدية ’معروفة تقريبا في كل انحاء جزائرنا الحبيبة،لكن الاختلاف عموما في التسمية وطريقة التحضير.
احنا نسموها شخشوخة لملاوي نديروها حمرا تجي بالدجاج احلى ،نقدموها في الافراح والمسرات: ،اعياد ،ختان ،المولد النبوي ،فاتحة..........

بالنسبة للمرق مكوناته توضحها الصور:

بعدما نقليو المكونات مليح نضيفو طماطم مرحية ونمرقو بماء ساخن وبعد مدة نزيدو الجريوات

اما العجينة: كمية دقيق يكون فيه العلك مع حفنة فرينة وملح،نخلطو الكل ونلموها بالماء ونخلوها ترتاح اقل حاجة ساعة.

بعدما ترتاح نلوزوها ونغطوها ونتركوها ترتاح مرة اخرى من ربع الى نصف ساعة:

باستعمال الزيت نحلو كرية في سنيوة ثم الى لمرا مباشرة، مجرد مايتبدل لونها نقلبوها ونزيدو نحطو فوقها وحدة ثانية وهكذا وحدة ورا وحدة حتى يثقال الوجه (مجموعة الاوراق المتعاقبة نسموها وجه)

نطبقو الحواشي الى الداخل باش يدخلهم الطياب.

نتحصلو على الوجه بهذا الشكل:

نقطعو لحواشي تاع الوجه ،وباستعمال المقص نقصو شرائط:

نضع الاشرطة المتقاربة طولا فوق بعضها ونقص الى اثنين او ثلاث حسب الطول

نحلوهم من بعضاهم

واخيرا تقدم الشخشوخة مع المرق الاحمر بهذا الشكل: