سلق + حوت مشوي

من طرف RimA الجمعة نوفمبر 09, 2012 1:09 pm

السلام عليكم ورحمة الله و بركاته

حسيت روحي بعدت بزاف على المطبخ نتاعي لهذا الشي ليوم بغيت نقدملكم واش طيبت فالفطور نتاعي

طيبت

السلق

المقادير

سلق تغسليه مليح و تقطعيه و ديريه يفور
تسلقي حبة بطاطا
تحتاجي طماطم
و بصل + توم

الطريقة
ديري السلق يفور و تحطي في وسطه حبات التوم تفور تاني معاه
مين تحسيه طاب ديريه يبرد و جيبي التوم هرسيه مليح
قلي التوم الفاير مع حبة نتاع البصل و مين يتقلاو مليح زيدي فوقهم الطماطم و خليها على نار هادية

من جيهة اخرى قشري حبة البطاطا و رحيها مليح بالخلاط
و زيدي رحي معاها السلق لي فورتيه
و في الاخير
خلطي كل من الطماطم و السلق و البطاطا المهروسة و البصل على نار هادية حتى تحسي مرقة الطماطم نشفت

الطبق الثاني

سردينة مشوية بالقارص و البصل

المقادير

سردينة
بصل
قارص
زيتون
بطاطا

الطريقة

حطي مقلاة تكون متلسقش على نار هادية
و دهنيها غير بقطرات من زيت
و حطي الساردين و قعدي تقلبي فيها حتى طيب
و ديري الديكور لي يجي على هواك

و الطبق الثالث هو بيتزا و راني درت موضوع عليها
http://www.djelfa.info/vb/showthread...=1#post8368636]

نتمنى تجربوها