الفطائر المقليه البسيطه

من طرف RimA الخميس نوفمبر 08, 2012 12:46 pm

الفطاير سهله وبسيطه وشكلها شيك فى نفس الوقت

تنفع فى اعياد الميلاد او الرحلات والمصايف

المقادير

-------

2 كوب دقيق -معلقة خميرة فوريه -معلقة ملح

معلقة سكر -3 معالق زيت -حليب دافىء للعجن

الطريقه

---------

نحط كل المكونات على بعضها وننزل بالحليب لحد العجينه ما تتلم معانا

ونسيبها تخمر ساعه

نحضر الحشووو

--------

اى حشو تفضليه شغال

انا عملت حشوة فراخ وحشوة تونه

بتبل الصدور على ما اقطع الخضار بتبلها بالملح والفلفل وبهارات فراخ او اى بهارات تفضليها ومسطرده وخل

نشوح البصل بالتومه فى شوية زيت او سمن وانزل بالجزر والفلفل الاخضرلحد ما يدبلو احط الصدور واقلب وبعدين احط الجبنه المثلثات
واسيب الفراخ تستوى. لما اطفى النار عليها احط معلقتين كبار مايونيز.

التونه

----

علبة تونه متصفيه تمام عليها مايونيز وبصل اخضر وفلفل اخضر

وملح وفلفل وليمون وخل

العجينه بعد ما خمرت نفردها على رشة دقيق ونقطعها دوائر

ونكون مجهزين الزيت حامى وننزل بالدواير
بمجرد ما بتنزل فى الزيت بتتنفخ لانها ارتاحت وخمرت تمام

طبعا واقفه جمبها بتتحمر بسرعه

4ما تخافوش مش بتشرب زيت خالص
حشيتها حشوات منوعه

كيرى وفراخ وتونه

ولبنه وزعتر

in challah y3ajboukom man9ouuuuuuuuuuuuuuuuuuuuuul