مقبلات منوعة من مطبخي

من طرف RimA الخميس نوفمبر 08, 2012 12:43 pm

السلام عليكن ورحمة الله وبركاته
هذه وجبات خفيفة ولذيذة وسريعة التحضير
اولا
كبدة الدجاج
في مقلاة ضعي قطع الكبدة اللي عندك ** انا شخصيا كل ما نشتري دجاجة احتفظ بالكبد في المجمد واجمع كمية 4 او 5 وندير بيهم هذا الطبق **
اضيفي زيت وملح وثوم وكمون وفلفل اسود وفلفل حار مقطع رقيق

ضعيها على نار هادئة جدا وغطيها وكل شوية حركيها
لما تبدا تنضج اضيفي نصف كاس ماء + ملعقة قهوة طماطم +ملعقة قهوة هريسة

وخليها على نار هادية حتى تعقد قليلا وقدميها

ثانيا
شكشوكة الفول
حضري كمية من الفول حوالي 10 قرون

اغسليهم قطعيهم رقيق وغليهم في الماء حتى يطيبوا مليح
في مقلاة حطي زيت حوالي اربع ملاعق +الفول +الملح والفلفل الاسود والثوم وفلفل حار مقطع رقيق

وعلى النار قليهم مليح حتى يبدا يذبل ثم اضيفي نصف حبة طماطم مرحية وواصلي التقليب حتى يجف ماء الطماطم وتقدم هكذا

او اضيفي لها البيض وزينيها بالجبن هكذا

ثالثا
بطاطا بالتوابل
اسلقي حبات بطاطا قطعيهم قطع متوسطة
في مقلاة حطي شوية زيت حطيها على النار لما تبدا تسخن اضيفي البطاطا بعد ما تملحيها ثم اضيفي قرن فلفل حار مقطع + فلفل اسود + ملعقة قهوة هريسة + نصف حبة طماطم مرحية +دبشة مقطعة رقيق
قلبيها دقائق وقدميها
وهي لذيذة جدا

سلام احبتي