سلطة عش العصفور

من طرف RimA الخميس نوفمبر 08, 2012 12:37 am

بسم الله والسلام عليكم

اليوم حبيت نقدم سلطة هي قديمة عندي بزاف وانا نديرها وهي لذيذة ورائعة في التقديم واتمنى انها تعجبكم بدون اطالة تفضلوا

المقادير:

اولا تغلي البطاطة وارحيها مع شوي زبدة وملح وتقدري تزيدي شوي فورماج اختياري مش لازم
الجزر قشريه وغليه حبات ثم اسكرفجيه مبعد ضعي غير شوي زيت في مقلة وقلي هذاك الجزر كشغل صوتيه قليلا وخليه جانبا
ثم نبدا بتحضير السلطة نشكل البطاطة على شكل خبيزات ونحفرها في الوسط على شكل عش

ثم اولا عمريها بشوي طون زيت او طماطم

ثم طبقة ثانية عمريها بالزيتون الاخضر مقطع دوائر

وكطبقة ثالثة ديري المايوناز

ثم ديري الجزر من الفوق على شكل عش

ثم يبقى التزيين مسالة ذوق واش كاين فدار اترككم مع الصور متنسوش تسقوها بفينقرات:مغرف خل +ملح وفلفل اكحل +3 مغارف زيت وشوي موتارد وخلطي وسقي السلطة في الاخير

تحياتي للجميع