لعبة البوقالات كل حرف ببوقالتو

باسم الله بديت و على النبي صليت زرت قبر النبي أنا و من حبيت

عندي لعبة شابة بزاف كل واحد يختار بوقالة على حسب الحرف الأول من إسمه و يشوف زهرو

حرف "أ"
_كنت في الصف الأول و رجعت في الصف الثاني كنت منكم و ليكم و صحيت براني ذل ما نقبل و عز هو رباني.

_ يا نجمة الليل أنا وحيدة و حزينة إيلا نساني لحبيب أنت فكرتني بيه ماني نرقد ماني نوم بلا بيه.

_ ثلاث نجمات وحدة غلات و الثانية ضوات و الثالثة سلبت العقل و دات .

_ مكحلة عينيا حتى لوذنيا أفرحو يا لحباب و يا ماليا سعدي راح و ولا ليا.

حرف"ب"
_ شديت في الكرمة طاح العنقود شديت في العنقود طاح المكتوب.

_ عندي طفلة شعرها عكري اللي يخطبها يجيني بكري و اللي باعني يستنا غير من فما يولي .

_ مفرشة زربية و دايرة الحنة في رجليا و نقارع لمومو عينيا .

_ روحت لسوق نشري الفول لقاني راجل مذلول قالي روحي حبيبك راه مهبول

حرف "ت"
_ ريح يا الريح يا اللي مشيت معاك صحيح و علاش بنيانك يعلا و بنياني يطيح.

_ الزين هي مولاتو و الزهر في التراب دفناتو,عشقاتو ما داتو , عاشت تندم على اللي بغاتو .

حرف "د"
_ صباط حبيبي معمر غبار لوكان ما نشوفوش مرة في النهار نطرطق كالملح في النار.

_ لا تفكر في المفقود حتى لا تفقد الموجود.

حرف "س"
_ جلست جلسة ما بين لحباب رحبو بيا ترحاب و اليوم راني معجب تعجاب شحااااااااال صعيب فراقهم يا لحباب.

_ أنا ساهرة و أنتوما راقدين أنا وافية و أنتوما خادعين ناس الحرمة نعرفوهم و ناس الغدر يجو باينين

_ وردة في البليدة شافها الزين جاتو بعيدة .

حرف "ف"
_صغيرة و زينة و مازالني نزيان و ربي يحميني أبدا ما نشيان أنا عروسة غدوة إن شاء الله و أنا يسموني شهلة لعيااااان.

_ أنت كالوردة في الكاس أنحبك و ما عندي حتى حاجة في الناس .

_ يا مولات ذاك الجنان عينيك و حواجبك نيلة قلبي حصل لعندك و ما صبتلو حيلة .

أتمنى أن تعجبكم بوقالاتي و اللي ما درتلوش حرف أسمو يقولي عليه

تحياتيييييييييييييييييييي