عرش سيدي بوزيد

من طرف fatima-12 الثلاثاء يناير 31, 2012 10:16 pm

عرش سيدي بوزيد

قلت باسم الله نبدا هذا القول بالصلاة والسلام على الطه المداني
مصطفى الهاشمي سيد الفحول فاطمة الزهراء ثمرة الجنان الداني
يشفع فينـا برضاءه يوم الهول يا ساعد من جاب خمس ركاني
زين النية عند ربي مقبول بالاك تقرك النفس و الشيطاني
متامن الكذاب كلامو يجيك معسول ما ديرو فال يعيشك به الأماني
مول المال داره زدك و بيطول و زين العفة حكروه بلعاني
مايردش السلام و يقولو مشغول و إذا سلم الزوالي يلعبوهالو طرشاني
يقول عليه أبيض كي ثوب مقسول و ذاك شين مايملي اللاعياني
كون تجي للصح هذا بن الأصول وذاك زلاكة في حد الطرفاني
أسكتــوا ولا قولو كلام معدول بخصتو بالزين و طلعتو بالشوماني
فومك شدو وخليه مقفول وخوك المومن ماتذيه بلساني
جنات الخلد راها عرض و طول لي سكنها يخاف ربي بضماني
ونار للهالك فيهـا منقـــــــــــول وعد من الله جاء ففرقاني
إربحـوا الصلاة على خير مرســـول للخليقة كلهــا إنس وجاني
وعلى الصحابة أهل فضول عثمان وعلىا ماننس عمراني
ماننس فاطمة الزهراء البتول بنت الهاشمي سيد العدناني
يحضرلي في الوعر وسهـــول راني نمدح فيه روح و جسماني
سيدي بوزيد واحد من الفلول من ذرية الحسن قطب رباني
هاهو بجوارنا مالي التــلول جبل راشد كي ذكرتو ساماني
كي تشوف الضريح تقول عليه طلول وارث السر غوث و سمداني
عرش البازيد كي نوار الفول محلاهم بورورد في وست البستاني
أشراف و أطهار من ذرية الرسول حب أل البيت من قوت الأيماني
بن الصحبي جاب هذا القول في محرم الحرام في اليوم الثاني
ستة و عشريين كي نوار الفول ألف وربعمية من هجرت المداني

صحـــبي إلياس الأغواط
جميع الحقوق محفوظة للصاحبهـا
http://liwaouelislam.ahlablog.com