قنبلة في مديرية امن وهران

من طرف meriem36 الجمعة ديسمبر 30, 2011 3:03 pm

غادي نحكيلكم شا صرالي اليوم و ما تضحكوش بزاف غي شوية
يا جماعة البارح و انا باغي نرقد يصوني الهاتف
يا خويا هذا نيميرو مين يعيطلي نعرف بلي فيها امتحان مسابقة و الا نتيجة تاع مسابقة
في الحقيقة غي شفت النيميرو انا فرحت
يسمعكم الخير
كاين مسابقة تاع الشرطة فيها 45 منصب متصرف و 67 منصب ملحق رئيسي في مديرية الامن تاعنا
صححيت صاحبي الله يحفظك الله يسترك الله يعطيك ما تتمنى
الصراحة و الله دعيتله من قلبي
يا خويا انا قلعت اليوم الصباح نلقى الذديرية كوبلي بالشعب دايريين لاشان و يقارعو التور
زعما انا رجلة قلت نروح نسقسي على الدوسي شلفيه بالظبط
الشرطي ماعلابالهش و اللي كانوا تما زوج و لا ثلاثة اللي علابالهم صح جات شيرة عندها ورقة فيها الدوسي
نقرا الورقة نلقى فيها مسابقة على اساس الشهادة طاحلي المورال 50%
و من بعد انا جايب دوسي عادي تاع مداري +شهادة طبية عام و صدر
نلقى في الملف تصريح شرفي بصحة المعلومات درك غي تروح للبلدية دير تصريح طاحلي المورال 10%
رجعت لدار و قلت نكونيكتي نشوف الجماعة شاراهم يقولو هنا ماكان والو
دارت في راسي قلت نحوس على الاعلان تاع المديريةالعامة تاع الشرطة لقيته تامنوا زاد طاح المورال 40%
اللي بقات
بطلت ما ندفعش
المكتوب مكتوب بصح هاذ الخطرة بومبا لقيتها
يا 45 منصب على المستوى الوطني اي بمعدل اقل من منصب في كل ولاية
و 67 منصب تاع ملحق كيفكيف
هذا هو الاعلان
¤*~ˆ°اضغط على هذا الرابط°ˆ~*¤

http://www.dgsn.dz/ar/download/Plac_Pub.pdf
ايوا غادي نغلق النافذة تاع منتدى ***** و نروح نرقد بومممممممممممممم ........ انفجرت القنبلة