نكت جزائرية تموت من الضحك

من طرف امولة الإثنين نوفمبر 14, 2011 12:57 pm

. واحد يسكن في القرية دا الباك وباه يروح للجامعة خاف يضحكو عليه قالتلو أمو روح برك النهار اللول يضحكو عليك والنهار الثاني يضحكو عليك والنهار الثالث توالف وتروحلك العقدة قالها: مالا حتى النهار الثالث ونروح

2. كان واحد ماشي في سيارتو ومعاه زوجتيه, وفجأة السيارة تعطلت نزل الراجل يشوف, نطقت مرتو لمثقفة وقالت: شوف بلاك الكالبيراتور؟ غارت الزوجة لخرا وقالت انا تاني لازم نهدر حاجة حتى وإن كنت مانعرفش للسيارات...وقالتلو: يا راجل شوف بلاك نسيت البارمي

3. واحد دخل للقهوة وقال للقهواجي: عندك قهوة باردة؟ يقولو: لا , زاد جاه غدوة وقالو كيما المرة اللولة ورد عليه:لا, وعاد كل يوم يقولو: عندك قهوة باردة؟ واحد النهار قال القهواجي: والله نوجّدلو قهوة باردة قبل ما يجي, ومبعد ساعة جا الزبون وقال: عندك قهوة باردة؟ قالو: نعم, قال: سخّنها وجيبهالي

4. واحد دا بنو ومرتو في رحلة في السيارة, وكي فاتو على ناطحة سحاب قال الطفل: وشي هذا يا بابا قال الأب: والله ما ندري, وزادو فاتو على مرأب للسيارات قال الطفل: وشي هذا يا بابا رد الأب: والله ما ندري وزادو فاتو على مسبح قال الإبن : وشي هذا يا بابا قال الأب: والله ما ندري. نطقت الأم وقالت: اسكت يا بني راك قلقت باباك. قال الأب: لا اتركي ابنك يسقسي باه يتعلم

5. واحد يبيع لفطاير وكان كل يوم يفوت عليه واحد ويقولو: عندك 1000 فطيرة؟ يقولو:لا ودايمن يعاود نفس الشخص السؤال: عندك 1000 فطيرة؟ وفي نهار قال صاحب الدكان والله نوجدلو 1000 فطيرة ونربح من عندو. وغدوة جا الشخص وقال: عندك1000 فطيرة؟ قالو: نعم قال: والله وتبيعهم نعطيك واش تحب

6. مرة واحد يقلق مية في الساعة, دّا قماش عند الخياط وقالوا: اسمع حاب ندير قندورة تكون مليحة يعني يكون الكول مصاوب وصغير والدرعين مايكونو طوال مايكونو قصار ومن تحت توصل حتى للكعب وعندك ادّيرلي جيب مانسحقّش, ولكتاف مايكونوش عراض بزاف, وصاوبها تحت الطوابق, وأهم حاجة عندك ادّيرها محصورة انا ما نلبسش حاجة محصورة ولوكان درتها محصورة والله مانسلكك...هات لقماش هنا مانزيدش نجي عندك خلاص.

7. في ليلة كان ربعة من ليجون يحششوا ورا باطيمة وبعد مدة خلصلهم الكبريت, فبعتوا واحد منهم يطلب, مالا راح دار على لباطيما ولاّ ليهم بعد, قاللهم: يا جماعة ما عندكمش كبريت؟ قالوا: أقعد رانا بعتنا واحد يجيب...

8. مرة واحد كسول ألف في الساعة شاف قدامو قشرة وهو يمشي. قال: ربي يعيني على هاذ الزلقة

9. وهادا واحد يبيع القهوة بثلاث دنانير, وكل يوم يجيه واحد ويحطلو دينار في شرق الحانوت ودينار في غرب الحانوت ودينار في الوسط ويقولو: اعطيني قهوة. وفي نهار جاب هذا الشخص قطعة تاع خمس دنانير وقالو: اعطيتي قهوة. فرح القهواجي وقال هذي فرصتي باش نردلو ما دار فيا وراح جابلو قهوة وحطلو دينار في شرق الحانوت ودينار في غرب الحانوت وقالو: هذا الصرف. وفجأة جبد الزبون دينار وحطو في النص وقالو زيدني قهوة

10. هدا واحد يهجّي الهدرة بزاف في كل مرة يروح للقهوة ويقول للقهواجي: أعطيني ققققققـ.... ومايجي يقول قهوة يغلق مول المحل ويقولو ولي غدوة,ودايما تسرالو هكّا, وفي نهار قال لازم نبدا نوجّد الكلمة في الليل وكي نوصل الصباح نقولو, وفعلا بدا في الليل يقول: ققققققققـ... وفي الصباح مع وصل للقهوة قال: قهوة أعطيني, دار ليه القهواجي وقالو: انعم خويا؟؟

11. واحد ركب في كار تاع زوج طيجان من فوق, جاه صاحب الكار وقالو: يا سي محمد احنا نبداو نركبو من تحت السّع من فضلك انزل لتحت, وسي محمد حالف يبقى لفوق ومالقاش كيفاه يدير معاه, جا واحد قال لصاحب الكار: خليني نفريها معاه, وبمجرد ما هدر في ودن خشين الرّاس هبط لتحت, حار صاحب الكار وراح للسيد وقالو: والله تقولي واش هدرتلو أنا عييت فيه وماحبّش, قالو: قلتلو الكار الي لتحت يمشي قبل لي لفوق

12. هادو زوج خاوة واحد منهم دركي وواحد حفاف, قال الحفاف لأمه نوضيني بكري غدوة.. جات أمه نوضتّو, غلط الحفاف لبس لباس الدرك تاع خوه وهو نعسان شاف روحو في لمرايا وقال: هيه... قلتلها نوضيني نوضت خويا

13. مرة واحد حلف يروح لفرنسا من الجزاير يعوم,
عام تلات أيام وبقاتلو مسيرة يوم, تعب رجع

14. استدعي الرئيس عبد العزيز بوتفليقة جماعة ن شبان معسكر و قال لهم تقدموا تراكم متخلفين بزاف فحملوا الشبان كراسيهم و تقدموانحوه

15. وجد احد الهاربين مطعما في وسط الجبال وعند دخوله جاءه النادل بقائمة الماكولات قائلا يوجد كتف ضابط ب 250 دينار , وفخذ جندي ب 200 دينار فقال له الزبون عندي 100 دينار فضحك النادل قائلا هذي تجيبلك نصف ترمة شامبيط ( حارس بلدي)

16. كان وحد متفاتن مع مرأة غير بلهدر هو يهدر وهي تهدرومن ثم قالت له : لكان تزوجة شطان مشي كيفك ثم رد لها قأل : حرام الاخت تتزوج بخوها...فهمفها أذا مفهمتهاش

17. مرة كان هناك واحد عربي التقى بواحد ياباني فعرض علي العربي بتناول العشاء فقرر ان يهاتف زوجته ليعلمها فاعطاه الياباني يده و قال كلم هنا فقط في الهاتف النفال اي يديه كهاتف لدرجة تطور اليابانيين و بعدها ذهبو الى المنزل وفي الطريق راو عدة متسولين يرفعون ايديهم للتسول فسال اليابني :ماهذا.... فقال العربي هذا هاتف عمومي تاكسي فون هاهاها

18. واحد قروي شاف امو حامل قالها هدا شكون قالت خوك قالها وعلاش كليتي

19. تشاجر زوجان فقالت الزوجة فى غضب والله لو تزوجت ابليس لكان ارحم منك فقال لها حرام ان يتزوج الاخ اخته

20. واحد عندو دراجة .كان في الطريق يرفع العجلة فاستوقفه شرطي واعطاه بروسي و كتب فيه محاولة طيران

21. جل قروي لم يظهر لمدة اسبوع فلما تدخلت مصالح الأمن وجدوه ميتا في بيته لكن لم يعرفوا سبب موته وبعد دلك وجدوا بوسط كسيت عند راسه فلما شغلوا البوسط كشيت وجدوا اغنية كاظم الساهر لا تتنهد فبها عرفوا ان هدا الرجل اتبع كلم كاظم الساهر حيث قطع التنهد او التنفس
22. ذهب مرة واحد إلى مدينة وهران فوجد الناس كلهم بالهاتف المحمول فرجع إلى معسكرة خائفا وقال لهم "أن مدينة وهران محاطة ومطوقة بالشرطة

23. كانوا اثنين صحاب يمشوا و احد دار واحد عمارة

24. الأول فيه شخصين والثاني فيه حفل زفاف فأي الممر تختار فأجاب أتوقف فرد عنه الجنيور تقتل شخصين أحسن من أن تقتل الكثير وبعد زمن جرت له نفس الحادثة فداس الشخص الأول والثاني هرب إلى العرس فأنحرف نحوه فقتل الكثير وفي غرفة الإنعاش سألوه لماذا فعل ذللك فأجاب بأنه درسها في قانون المرور الجنيور قال لي ذلك

25. كاين قرد يجري ورا نمالة وعلاش علا خاطر اسمها بنانة

26. حمزة يشتي وحدة تقرأ في الجزائر كي رحلها ضربته بكف هطي الرجال ولا خلي

27. قالو: يا عومار والله الدخلة اليوم باطل
(مجانا) قالو: آو واين؟, قالو: في الحيط

28. خابط راح يحضر جنازة فسقسى واحد مهبول: "شو يخدم الميت يا خو؟" قاله المهبول: "يحفر قبور". رد الخابط :"سبحان الله اللي يحفر قبر لخوه يطيح فيه"

29. مشحاح كتب على باب داره: "ما تخبطوش الباب راني نحله كل خمس دقايق"

30. واحد كريم جابت عياله توام، قسم على الطبيب يهز واحد منهم

31. مستك راح للمدينة و كانت هذيكا أول مرة يشوف الجسور. قال: "ربنا يخلي الحكومة رفعت الطرق على الذراري"

32. مشحاح طاحت دراهمه من التاقة. كي نزل ما لقاهاش. ليش؟؟؟؟ لأنه وصل قبلها.

33. زاطل يكلم في روحه "نايا نحب نرقد بالصح مش عارف نرقد ليش ما يحبنيش"

34. زاطل في ليلة عرسه. بعد ما راحو المعروضين دخل لداره و لقا العروسة ثم. قال : "كنت عارف انه بعد الزردة هاذي بش ينسوا واحد"

35. معلم سأل طالب: السروال مفرد و لا مثني يا طفل. رد الطالب: "مفرد من فوق و مثني من تحت"

36. واحد جاه ولد بعد سبع بنيت سماه "بكري"

37. مستك حب يدير عملية فدائية. راح لفلسطين و طعن روحه بالموس فماتوا أربعة من الضحك.

38. وحد مستك راح لحنوت و حب يشري حليب. قال للبياع "أعطيني عصير بقر يا خو"

39. قالك واحد تقلق مدولو سيارة زاد تقلق مدولو دار وبعدها قال لو أتقلق مرة أخرى فسوف يعطونني شيء آخر فتقلق فانتزعوا منه كل شيء

40. قالك واحد جا رايح يرقد غلط مات

41. كان فيه وحد العجوزة دخلت للقهوة. قاتلو يا وليدي شحال كاس قهوة. قالها 10د
قاتلو وشحال تحسبو السكر...قاللها ياالحاجة السكر باطل. قاتلو امالا أرى 2 كيلو

42. وحد العجوزة دخلوها تقرا في محو الأمية
المعلمة كانت تقري فيهم. ...دخل عمر الى القسم
و خرج عمر من القسم
لعشيا سقساها وليدها: يما واش قريتو اليوم
قاتلو يا وليدي عمر هذاك خلانا نقراو
نهار كامل وهو داخل خارج

43. وحد المعلم سقسا وحد التلميذ
قالو أعطيني شيء يتمدد بالحرارة ويتقلص بالبرودة
التلميذ قالو: العطلة يا أستاذ. في الشتاء 15 يوم وفي الصيف 3 أشهر

44. واحد كان يتفرج في وحد الفيلم تع الماريكان
كي خلاص الفيلم بدات تطلع الكتيبة
جازت وحد الكتيبة فاتو قبل ما يقراها
طلع عند جارو الي يسكن فوقو وقاعد يسنى فيها توصل

45. واحد طلع في الكار وكان لا بس سباط تع 3000 الف
وحد العجوزة عفست عليه
قاللها الحاجة نحي رجليك راكي معفسة على 3000 الف
قاتلو: وين راهم. طاحولي ليا

46. وحدة سمينة بزاف...راحت عند الطبيب باش يعطيلها الدوا باش تشيان. مدلها باطة كاشيات وقاللها كل نهار تاكل 2 حبات
هي نسات. وكلاتهم قاع مرة وحدة
ولعشيا جا راجلها للدار وحوس عليها ومالقاهاش
قاللها : عيشة وين راكي؟؟؟
قاتلو راني مر البالي

47. واحد ليل كامل ماجاهش النعاس
وعلاه؟؟؟
نسى ماغمضش عينيه كي راح يرقد

48. قالك واحد زاد عندو ولد فيه شعرة واحدة في رأسه سماه محيرقة

49. زوج بشرطية كي زاد عندهم طفل سماوه بروسي

50. قالك واحد لمعسكري راح للعسكر قالك في الليل قالوا شكون يطفي الضو و بداو يضربوا قالهم لمعسكري انا نطفي الضو وبدا يدير كرسي فوق كرسي حتى وصل لمبولا وبدا ينسف باش تطفى

51. مرة أستاد قال للتلميد: اعطيلي 3 حيوانات زاحفة قالو: حنش ، حلزون ، خويا الصغير

52. واحد حاب يتوب دار الحجاب

53. واحد صحفي ازوج مع صحفية جابو طفل سماوه ( خبر عاجل )

54. واحد كان يشاتي في الانترنيت مع فتاة قالها كيفاه اسمك كتبتلو فاطمة و حطت قدامها وردة يعني (فاطمة الزهراء) هو واش كتبلها ......le pere vendredi (اسمه بو جمعة)

55. واحد جزائري سلف كتاب من عند قاوري كي فتحو باه يقراه لقا فيه ورقة تاع 50 اورو مبعد ساعتين رجعهولو قالو ايــــــــو قريتو بعد قالو كملت ماكانش الجزء التاني

56. قالك وحدك النهار واحد كان رافد شكارة تاع فرينة فوق ظهرو وطالع في عقبة مين مانجمش ولا يقول " يا سيدي بومدين- يال سيدي لخضر - يااا....."ومين جا فتهويدة ولا يجري بزاف شتقالهم يا غي بالواحد مشي قاع في ضربة.

57. قالك خطرة الرئيس مريكاني والفرنسي والجزائري كانوا في طائرة الرئيس المريكاني قالهم انا نعرف ورانا من خلال ناطحات السحاب - الفرنسي قال انا من خلال برج ايفل - الجزائري كان داير ساعة في يدوا خرجها من التاقة مين ردها ماصابهاج قالهم راني في الجزائر ( خونولو الساعة)

58. في مرة واحد معسكري حب يخطب واحدة وهرانية ردوا عليه اهلها مازالت تقرا فرجع اليهم على الساعة 5 مساءا وقالهم خلصت القراية

59. قالك زوج دخلوا للمطعم واحد غني و الخر فقير الغني طلب اكلة باللحم والفقير طلب صحن من الفول ايا الفقير بدا ياكل بسرعة شاف فيه الغني و قالوا قول بسم الله باش ما يكلش معاك الشيطان دار عندوا الفقير وقالوا واش بيك الشيطان يخلي اللحم و يجي ياكل الفول

60. قالك زوج جيران واحد غني و الاخر فقير. الفقير عندوا المصباح السحري كل صباح يمسحوا يخرج العفريت يقولوا شبيك لبيك اطلب كل شيئ بين يديك الفقير يقولوا اعطيني كاس شاي شافوا الغني و حسدوا على المصباح السحري و بغى يديلوا المصباح قالوا نعطيلك الفيلا و السيارة واعطيني المصباح الفقير قبل بالمقايضة . مسح الغني المصباح وخرجلوا العفريت قالوا شبيك لبيك كل شيئ بين يديك قالوا بغيت فيلا على شاطئ البحر قالوا العفريت اسمحلي خويا نسربي غير الشاي

61. مرة معسكري مع يماه. قالتلو نروحو لوهران. قالها بصح ناس وهران مايحبوناش و يتمسخروا بينا. قالتلو معليش النهار الاول يتمسخرو. و النهار الثاني ينساو شوية. و النهار الثالث ينساو قع. قالها امالا نروحو النهار الثالث.

62. قالك شاذلي كره من كثرة النكت اللي خرجت عليه. لم قع النكت و دارهم في كتاب و رماه في البحر. زاد شوية خرج حوت ميت بالضحك

63. قالك مرة وحد الراجل متزوج زوج نسا وحدة من وهران وحدة معسكرية وهوما ماشيين طريق طاحتلو السيارة اونبان. نزلت الوهرانية وقالتلو شوف بالاك لابوجي بالاك الموتور بلاك...بالاك..بالاك...قالت المعسكرية كيفاه الوهرانية خيرمني زعما تفهم في كلش راحت للراجل وقالتو ..يا راجل شوف شوف بالاك نسيت البرمي علابيها طاحة اومبان.

64. قالك مرة واحد وهراني مع صاحبو المعسكري دخلو لوحد القهوة نطق الوهراني قالو اعطيني وحدا اورونجينا ومبعد نطق المعسكري قالة انا اعطيني معسكرجينا

65. مرة معسكري فات على راعي قالو اذا قلتلك قداه نخروف عندك اخد واحد قالو الراعي موافق قالو المعسكري عندك 20 خروف قالو الراعي صحيح هاك واحد ..ثم قالو الراعي واذا قلت لك من اي بلاصا انتا ترجع لي الخروف قالو موافق قالو انت من معسكر فقال نعم بصح كيفاه عرفت قالو الراعي لانك اخدت الكلب في بلاصة الخروف

66. قالك واحد معسكري ماجاهش النعاس رقد و خلاه

67. قالك واحد معسكري راح للبحر لقي ليوناردو ديكابريو قالو واش يا روج مازلت ماشهمتش

68. مره واحد راح للطبيب باش يخدملو فم صقصاه على السومة قالو الضرسة 50 دينار والناب 10 دينار قالو مالا ديرهوملي كامل نيبان

69. قالك هادي النكتة غير كيما. ياخي بدلو المنظومة التربوية والرياضيات ولات بالفرنسية. الشيخ قال للتلميذ R4+R4= واش؟ يعني 4ع+4ع=؟ واش قالو R8 وتعني سيارة من نوعR8

70. قالك دودة حبت تتكسل تقطعت