بلا بكم هذ النكت مايسواو حتى حاجة

من طرف elchaouia السبت نوفمبر 12, 2011 8:10 pm

قالك واحد الطفل قالتلو الأستاذة أرسم لي صورة درك فالصبورة مسكين عندوا في راسو شويا راح لصبورة رسملها نقطة قالتلو الأستادة واشنو هذا قالها هذا فيل جاي من بعيد

كاين في واحد القرية قوم حتى إمام ماقبلو به لي يجي عندهم يحبسولو راسو حتى يهرب خطرة جابولهم إمام فالدرس جابلهم قصة سيدنا سليمان عليه الصلاة والسلام مع النملة قالك واحد من هذ القوم باش يحبسو قالوا ياسي الإمام ماقلتناش النملة هذي لي راك تهدر عليها نملة عرب ولا تاع فرنسا

قالك واحد سراق أصلع سرق سلسلة على طفلة وهرب شافوه لابوليس جراو موراه في دورا شاف واحد صلع أخر واقف راح ليه يجري قالو أهرب أهرب راهم لي يقبضو واحد صلع ينحولو الجلدة تاع راسو يخدمو بها دربوكة خزر هذاك لصلع لابوليس جايين يجرو هرب بلا مادار والو وصل لواحد الطريق محدودة مالقاش كيفاش يدير دار للابوليس وخرج الموس وقعد يقطع في راسو ويقول والله غير نقطعها وماتدوهاش

قالك واحد دخل لابوسط فارغة يشري تامبر أي طابع بريدي قال للكيسي أعطيني تامبر قالو الكيسي دير لاشان كيما خاوتك أومبعد أهدر خزر السيد منا ومنا مالقا حتى واحد قالك نساعفو بالاك مريض دار روحو يمشي في لاشين وصل ليه كيف كيف قالو دير لاشان أنت ماشي خير من خاوتك السيد لاخر طارتلو خلا الكيسي هبط راسو يكتب ويرفد معاه بكف صحيح ناض الكيسي يزقي شكون لي ضربني رد عليه السيد مع هاذ الغاشي والله مانكدب عليك