قريوش بطريقة جديدة للسهرة

من طرف امولة الأربعاء أكتوبر 26, 2011 4:55 pm

السلام عليكم
كيفكم يا رب تكونو بخير

اليوم رايحة نقدملكم طريقة جديدة للقريوش توالم سهرات رمضان

3 كيسان فرينة
1 كأس ايدام
حبة بيض
2/1ملعة صغيرة خمارة
ماء وماء الزهر

لمي العجينة وقسميها الى اثنين خليها ترتاح
حلي العجينة رقيقة بزاف ورشيها بالمايزينة كامل الوجه ماشي الفرينة راه تثقلها لازم المايزينة ولوي حتى تتحصلي على حربوش
والقسم الثاني تان نفس الطريقة

وحطيهم فالثلاجة ساعة ولا اثنين
خرجي الحربوش التاعك وقطعيه الى حلقات مايلين شوي ويكونو بسمك 1سم ثم فوتي عليهم بالحلال باه ترققيهم ومن ثم اقليهم ونبعد عسليهم ورشيهم بالجلجلان

ان شاء الله اتكونو فهمت الشرح لان بدون صور

اسفة الصور ماعنديش وما صورتهمش من قبل

انتظر ردودكم وصح فطوركم