نصيحة من طالبة بكالوريا الى طلاب بكالوريا 2013 ان شاء الله

من طرف hana20 الأربعاء نوفمبر 14, 2012 11:36 am

بسم الله الرحمن الرحيم
السلام عليكم و رحمة الله تعالى و بركاته
واش لقراية ان شاء الله راكم ملاح انا العام هذا نعقب الباك(علوم تجريبية) و راني حاصلة في بعض الامور الخاصة بالثاني ثانوي باسكو العام اللي فات ما ركزتش مع قرايتي كما ينبغي كنت نقول خلي برك العام الجاي و نزير روحي ضربة وحدا بصح السنا لقيت روحي غالطة 100000000000000000000/100 كاعادش اللي بغا يقرا لازم يقرا قبل كل وقت وو قتو اقرا السنة وحدها والعام الجاي وحدو و الله راني حابة ننصحكم لوجه الله اقراو السنا ملييييييييييح و ديرو لاباز باش العام الجاي ان شاء الله تلقاو رواحكم واجدين كاين بعض المواد عندها علاقة بالبكالوريا مثلا فالرياضيات راح تقراو النهايات و حالات عدم التعيين هاذو لازم عليكم تفهموهم السنا مليح و تنحيوهم من الطريق باش العام الجاي تتفرغو غير للدروس الجديدة لازم تتعودو تراجعو دروسكم كل يوم و تحلو تمارين عليهم لازم تتعودو تقراو فالدار اكبر وقت ممكن ماتخليوش الدروس تتراكم كليكم لازم تتعودو عالقراية و المراجعة كل يوم باش العام الجاي تلقاو رواحم واجدين و ماتتعبوش حاولو تحكمو ريتم معين فالقراية و ماتبدلوهش و ماتقعدوش غير اللي يتفرج افلام و اللي يتفرج مسلسلات خاصة لبنات عالمسلسلات التركية كيمة لميس و الجماعة اخطيوكم منهم ماشي هومة الله لراح يجيبولكم الباك حاولو تتعودو تحلو تمارين خاصة فالرياضيات و الفيزياء باش تهزو الافكار اللي راح تحتاجوهم فالباك .اقراو برك و ديرو لاباز
هاذي نصيحة مني ليكم مانيش حابة طيحو فالفخ اللي طحت فيه
ربي يوفقكم و يوفقنا (وماشي تقراو هاذ النصائح و مبعد تخرجو منهم تنساوهم كيما كنت ندير انا ولا يجيكم الحماس 5 دقايق و يروح ..........عندكم الدعوا راهي ماشي ساهلة )
ادعيولي ننجح فالباك بمعدل يرضيني و ادعيو لوالدي بالهداية و المغفرة
سلااااااااااااام

:m ad: