من مطبخ ام اسلام واية

من طرف RimA السبت نوفمبر 10, 2012 12:48 am

بسم الله الرحمان الرحيم

لحظات مخبرية في الفنون المطبخية

الوصفة الثانية

شربة الفريك

المقادير

قطع من اللحم
حبة بصل
2حبات طماطم حمراء
2ملاعق طماطم مصبرة
ربطة حشيش شربة او قصبر
قطفة كرافس
نعناع
كاس فريك
3ملاعق زيت
نصف ملعقةسمن
نصف ملعقة صغيرة فلفل اسود
نصف ملعقة صغيرة فلفل احمر او عكري
نصف ملعقة صغيرة قرفة
نصف ملعقة صغيرة راس الحانوت
ملح
ماء ساخن
يمكن اضافة
كمشة حميصة
حبة قرعة مقطعة صغيرة
2حبات فلفل حار للنكهة

طريقةالتحضير

في قدر انحط اللحم مع الزيت والسمن والتوبل وراس الحانوت و الملح و البصل المقطع رقيق وقليل من الحشيش والطماطم المصبرة

انحط الكل فوق النار ونقلي مليح

كتتقلى نمرق بالماء الساخن

كتغلي نحط عرف الكرافس والنعناع والحشيش والفريك بعد ما نغسلوه

اذا استعملت احبات الطماطم حطيها في كسكاس وحطيعا فوق القدر وخليهاتتلق الماء اتعها في الشربة ولكن انا استعملتها بهذه الطريقة

وفي الاخير كطيب الشربة انحط 2حبات من الفلفل حار يتلق قليل من الريحة او النكهة في الشربة يغلى قليلا مع الشربة وبعد ذلك ننزعه وننزع عرف الكرافس والنعناع

والشربة راه جاهزة

طريقة التقديم

الوصفة الثالثة

البريك على الطريقة التونسية

المقادير

لحم مرحي
ربطة معدنوس
معدنوس
حبة بصل متوسطة
نصف ملعقة صغيرة سمن
ملح
فلفل اكحل
قصبر مطحون
ديول
بيض
جبن ابيض
زيت للقلي

طريقة التحضير

في مقلاة ما تلسقش نحط اللحم المرحي +المعدنوس مقطع رقيقاوراق واعراف +حبة بصل مقطعة رقيقة+ السمن +الملح والتوابل

نغطيها ونخليها على نار قليلةاطيب غير بلبخاروالماء الي تتلقوالمكونات

كيذبال البصل ووالمعدنوس ويطيب اللحم اتركيها تبرد

ثم حضري هذه المكونات

وحضري صحن صغير

خذي ورقة الديول اطويها على 2وما تقطعيهاش ثم حطيها بهذا الشكل فوق الصحن

ثم حطي الحشوة وعملي بيها حفرةوحطي الجبن فيها

ثم حطيفي وسط الحشوة حبة البيض

ثم نغلقها بهذه الطريقة

بعد ما نسخن الزيت شويةنرفد البريك بالصحن ونحطها باليد الثانيةماشي نرفدها ولكن انزلقها

ثم نرمي فوقه الزيت بالملعقة

ثم نقلبها بالالوش

اطيب حوالي دقيقة من كل جهة اواكثر شوية حتى اطيب الحبة تع البيض على نار متوسطة

ثم ننزعها من الزيت بالالوش ونحطها فوق ورق يمتص الزيت ونقدمها

طريقة التقديم

شهية طيبة

مع احترامي

ام اسلام و اية