خبز محشي من مطبخي

من طرف RimA الجمعة نوفمبر 09, 2012 10:59 pm

هذه الوصفة دارتها شميشة البارح عجبتني وطبقتها اليوم جات روعة حبيت نحطلكم الوصفة للافادة
هو خبز يشبه للبيتزا
بسم الله
عجينة: 750غ فرينة + ملعقة ونص صغيرة ملح+مغرف اكل خميرة الخبز+شوي زعتر يابسحكيه بين يديك + نص كاس زيت زيتون خلطيهم واجمعيهم بماء دافئ تكون كيما عجينة البيتزا تدلكيها شوية وتخليها ترتاح
الحشوة: باتي مسكرفج + زيتون اسود واخضر مقطع + بصلة مذبلة في شوي زيت + شوي زعتر يابس وخلطي الكل
عندك شكلين الشكل الاول شكلي العجينة كرات واحشيهم بالحشو وابسطيهم

وحطيهم في مول مدور بجانب بعض

وحطي حبة زيتون في كل حبة وديري فوقهم 4 مغارف زيت زيتونوخليها تخمر شوية ودخليها طيب
والشكل الثاني تشكلي العجينة كرات بدون ما تحشيهم وحطيهم في مول كيك

ثم حضري صلصة طماطم مكونة من ملعقة طماطم مركزة + شوي سكر وملح ومائ تغلي تعقد شوية حطيها فوق الكرات

ثم نحط بصل مقطع جوانح نذبلوه غير شوية فزيت ليس كثيرا

ونرش جبن مرحي

وندير حبات زيتون فوقهم ونخليهم يخمرو قليلا وندخلهم للفرن يطيبوا

اتمنى يعجبكم وتحياتي للجميع