بوراك بالدجاج طعمه رااائع-حصري من مطبخي-

السلام عليكم و رمضان كريم للجميع و صحا فطوركم
بعد كسل كبييييير من لي دخل رمضان قررت ليوم ندير شوية كوراج و نحط ليكم موضوع ههههه
جبت ليكم بوراك بطريقة جديدة شوية تغيير على لبوراك لعادي بالكفتة
نحتاجو للمقادير
صدر دجاج مطبوخ في ماء و ملح و فلفل اسود و مفتت
حبة بصل كبيرة مقطعة
جزر مبشور
اربع حبات بيض مغليين
كرام فراش و جبن
معدنوس و ملح و فلفل اسود
نبداو و نقلوا لبصل في شوية زبدة او زيت حتى يدبال مليح

بعدها نزيدوا عليه الجزر و الدجاج و ملح و فلفل اسود و نقليوهم غااااااية حتى يدبالو


هاهي كامل مقادير الحشوة بعدما وجدنا الدجاج و برشنا البيض المغلي و قطعنا المعدنوس

نخلطوا كلشي مع بعض و نضيفوا لكريمة الطازجة و الجبن