les chaussons من مطبخي

من طرف RimA الخميس نوفمبر 08, 2012 12:00 am

مساء الخير على احبتي في الله

اليوم درت les chaussons
و حبيت نشارككم بيهم و نتمنى يعجبوكم و تجربو الوصفة و تستمتعو بيهم مع افراد العايلة ان شاء الله
و الله مع السخانة هاذي وليت نحوس غير على اكلات خفاف باش نخلي بلاصة الماء ههههههههه

المهم ابدا ببسم الله
درت فرينة حطيتلها شوية ملح
شوية زيت (مقدار فنجان)
و خميرة تاع الكسرة (2 مغلرف صغار)
و بليتها بالحليب الدافئ (باش تجيني عجينة هشة و خفيفة)
جمعتها و عجنتها شوية حطيت الزيت الزيتون و عودت دخلته في العجينة و خليتها تخمر مدة 1سا و ربع
رشيت الفرينة و طرحتها رقيقة قصيتها دوائر و حشيتهم بالفرماج غلقتهم و دهنتهن بصفار البيض و زينتهم بالجلجلانية
و هذه النتيجة جاو هيلين

ملاحظة: الحشو اختياري ديري وش حبيتي و المتوفر عندك

شهية طيبة
ام سراج الدين