هههههههه قالوا مسابقة على أساس الشهادة تجربتي اليوم مديرية البناء غرداية

سلام عليكم يا جماعة الخير أولا اسمحولوا على العنوان الموضوع على خاطر و الله عيب و عار على دولة تاع ميكي كي بدلت سيستام من من مسابقة على أساس اختبار الى مسابقة على أساس الشهادة يا رحمتك اختبار على اساس الاختبار شوية كاين مصدقية المهم درك نحكيلكم و الله على ما أقول شهيد .
النهار لي جاني الاستدعاء اتصلت يصديق يعمل هناك قالي بلي المنصب راه مضمون لفلان1 ( خدام مرسم في مديرية مي ماشي متصرف انا عندي الاسماء لكن لا أدكر ) و قالي زيد فلان2 (عامل في اطار الادماج مهني ) راه دفع دوسوي و ميعقبش على خاطر راه عارف بلي المنصب مخدوم لفلان رقم 1
زيد اتصلت بمعارفي الشخصية اثنان من معارفي قالولي نفس الحديت
المهم اليوم الصباح دخلت سلام سلام تقريبا الوجوه معتادة وين تروح تعقب امتحان تشوفهم ههههههههه معليش يطلعلك المورال شوية مانيش وحدي مهروده عليا ايا عاودت اتصلت بأخر قالي غير متدخلش راه في المتصرف فلام وفي مسابقة الأخرى فلان و الله ما راك رابح اللاعب حميدة ورشام حميدة انا قلت و الله انشوف الأسئلة
ايا كان العدد واحد 20 مترشح كاين لي محضرش المهم فاتو واحد اثنان قبلي عاودت ادخلت لقالي باسمي ادخلت سلام سلام فلان ايه بطاقة التعريف الوطي سجل معلوماتك هنا .
بدينا راني نورمال قالي واش تعرف على المديرية
واش راح التخصص تاعك ينفعنا في المديرية
واش درت في مدكرة التخصص
بلاد ميكي درك ايجي واجد ايقيمني في زوج اسئلة و الله حرام يا جماعة لي غاضتني و الله العظيم و هدا حلف مغلط انوا جاه هاتف من عند مترشح لي قلتلكم عليه وانا في استجواب و تقولي اصبر و الله تجهل في هدا البلاد و زيد في تالي قالي هدا تاست بسيكوا تكنيك يا وجه لفقر انوكل عليك ربي انت أمتالك و الله منسامخكم دنيا وأخرة و تخرجلكم في صحتكم يا لي تلعبوها جماعة الصف الأول ة لي راح يربح اسموا يبدى ب حرف ر

الله غالب 30 عام لادار لدوار لخدمة لزواج مي كاين ربي الحمد حال خير من حال

قولو مهبول قولو واش تحبوا و الله هد البلاد حاشا الشهداء برك سلام