سيجار بالكاوكاو

من طرف زهرة القدس الجمعة أكتوبر 28, 2011 8:39 pm

السلام عليكم و رحمة الله تعالى و بركاته

هادي الكيفية قدمتها السيدة بوحامد و ظهرتلي مليحة ماشي كيما البعض اللي ماعجبونيش بزاف
نحط 4 كيلات فرينة+ كيلة سكر ناعم + كيلة زبدة دايبة و ندخل مليح الكل ثم الماء زهر و الماء و نعجن مليح و نكمل نلم بالماء
مبعد نخليها ترتاح

و نحضر الحشو
3 كيلات كاوكاو محمص و مرحي ماشي بزاف+1م ص قرفة+
1/2 كيلة سكر+2 مغارف زبدة دايبة و نبل بماء الزهر

بعدما ترتاح العجينة نحلوها رقيقة جدا نقطع شكل مستطيلات في كل واحد نحط كمية من الحشو و نرولي السيقار
مستفوهم في سنيوة مدهونة و كي يطيبو نغطسوهم في العسل و نزينوهم من فوق يالكاوكاو

ملاحظة
في السنيوة نحطو السيجار على الجهة المفتوحة باش ما يتفتحوش