معمول من مطبخي ناجح 100 % ان شاء الله & بالصور ’،

من طرف امولة الجمعة أكتوبر 28, 2011 1:10 pm

السلام عليكم ’،

جتلكم اليوم طريقة جربتها غير مقبيل للمعمول فوووووووور ، تالمون عجبني كليت زوج حبات هههههه
صدقوني اول مرة ينجحلي المعمول هكدا ويخرج هش ويدوب فالفم الحمد لله ، على هذي حبيت نفيدكم ، اتفضلوا :

معمول من مطبخي ناجح 100 % ان شاء الله & بالصور ’، 11131012114252dh4c4qm9iw

معمول من مطبخي ناجح 100 % ان شاء الله & بالصور ’، 11131012114252dh4c4qm9iw

المقادير :

200غ زبدة (استعملت فلوريال)
500 غ فرينة (ممكن قل شوية وممكن كتر على حساب نوع الفرينة)
1/2 كاس لحظة
1/2 كاس زيت نباتي
1/2 كاس سكر ناعم
بيضة
نصف ملعقه صغيرة خميرة الحلوة وومكن قرصة برك (باش المعمول مايتنفخش يحافظ على الرشمة ديالو)
ملعقة صغيرة فانيلا معمرة مليح

الحشو:
حوالي 200 غ غرس نخدموه بـ 3 مغارف كبار زيت ونزيدولو شوية جلجلان محمص’،

الطريقه
نخليو الزبدة خارج التلاجة حتى تولي طرية كيما la pommade ومبعداتيك نزيدولها الزيت نخلطوهوم بالباتور ونزيدولهوم لافاني ونزيدو نخلطو ملييييح حتى تولي كيلي كغآم ونزيدو السكر وننبقاو نخلطو والبيضة تان نفس الشي
ومبعداتيك نزيدو لحليب بلا مانحبسوا الخلط ديالنا ومبعداتيك نزيدو الفرينة بالتدريج ونخلطو بيدنا حتى تولي عجينة هشة وطرية ، نشكلو كويرات بلعجين نحطو في كل واحدة كويرة تاع الحشو ونرشموهوم بالمول ديال المعمول ونحطوهم فسنيوة مرشوشة بالفرينة بلا ماندهنوها خاطكش اصلا هوما معمرين بالدهن ، نحطوهم في فرن مسخن من قبل بحوالي ربع ساعة ، ومن المستحسن يكون شاعل من لفوق ولتحت ، وتخلوه يطيب حوالي نصف ساعة ’،

وهذي صورة قبل ما يدخل للفرن

معمول من مطبخي ناجح 100 % ان شاء الله & بالصور ’، 111310121142sirslqahop5rfrqz5jkn

معمول من مطبخي ناجح 100 % ان شاء الله & بالصور ’، 111310121142sirslqahop5rfrqz5jkn

وهذي كي خرج

معمول من مطبخي ناجح 100 % ان شاء الله & بالصور ’، 111310121142vqoctr674

وبالصحة ولهنا ’،